د امریکا او قطر د باندنیو چارو وزیران په کمبوډیا کې د افغانستان په اړه خبرې کړي

ځړول شوی:اگست 5, 2022 لخوا ځړول شوی:مسعود تبصرې:0

طالبان او امریکا یو بل په سرغړونې تورنوي

د قطر او امریکا د بهرنیو چارو وزیران داسې مهال غونډه کوي چې کابل کې دالقاعده د مشر له وژنې وروسته طالبانو او امریکا يو پر بل تور لګولی چې د قطر په منځګړیتوب د سولې شوې هوکړې یې سرغړونه کړې.

د قطر او امریکا د بهرنیو چارو وزیران محمد بن عبد الرحمن آل ثاني او انتوني بلېنکن د سویل ختیځې اسیا د هېوادونو غونډه کې د ګډون لپاره کمبوډیا ته تللي، دوی د همدې غونډې په څنډه کې سره کتلي او د افغانستان په اړه یې هم خبرې کړې دي

قطر په بېلابېلو مسایلو کې د امریکا نږدې ملګری دی

د دې غونډې په اړه د قطر د بهرنیو چارو وزیر پر ټویټر یوه بیان کې ویلي، له ښاغلي بلینکن سره یې د افغانستان د وضعیت په اړه خبرې کړې دي. ښاغلي بلېنکن بیا د قطر او امریکا ترمنځ همکاري ستایلي او ویلي یې دي چې قطر د نړۍ لروبر کې په بېلابېلو مسلو کې دامریکا نژدې همکار هېواد دی.

نور یی ولوله | انس حقاني وایي، د نجونو ښوونځی به دایم نه وي تړلي او ژر به پرانستل شي

نور یی ولوله | ظواهري باندې حملې وروتسه طالبا مشرانو خپلمنځي غوونډه راوبلله

نوموړي ويلي، موږ پر ټيليفون ډېرې خبرې کړې، زما له نظره دا د امریکا او قطر ترمنځ د سیمې او نړۍ د بېلابېلو مسلو په اړه د ډېرې نژدې همکارۍ څرګندونه کوي. موږ د افغانستان او ایران په ګډون د څو سیمه ییزو مسلو په اړه خبرې وکړې. 

متحده ایالت له قطر سره دې همکارۍ او مشارکت ته چې د ناټو له چوکاټه دباندې مهم متحد دی، ډېر ارزښت ورکوي، د دې ترڅنګ قطر د هغو عاجلو ننګونو پر وړاندې د مقابلې په برخه کې یو ښه متحده دی چې امریکا د نړۍ لروبر کې وسره مخامخ ده.

ځواب دلته پرېږدئ

ستاسو برېښناليک به نه خپريږي.

زموږ په خبر پاڼه کې ګډون وکړئ
وروستي مقالې، دندې، وړیا، تفریحي خبرونه په مستقیم ډول ستاسو ان باکس ته وړاندې کړئ.
170000 پیرودونکي دلته دي.