پر اسرائیلو د ایران له برید وروسته د تېلو بیې رالوېدلي او اټکل دی چې دا بیې به نور هم لوېږي
د اونۍ په پای کې پر اسرائیلو د ایران له غچ اخیستونکي برید وروسته د آسیا په سوداګرۍ کې د تېلو نرخونه راټیټ شول.
د برینټ کروډ – په نړیواله کچه د تېلو د نرخونو لپاره کلیدي معیار – ټیټ و مګر لاهم د دوشنبې په سهار یو بېرل تېل نژدې په ۹۰ ډالرو تبادله کېدل.
د تېلو بیه لا له وړاندې د ایران لاس په کار کېدو له کبله، په تېره اونۍ کې د برینټ خام تېل د شپږو میاشتو لوړې کچې ته نژدې شوي.
د اسرائیلو د دفاع وزیر یوف ګالانت ویلي دي چې له ایران سره جګړه لا پای ته نه ده رسېدلې.
د تېلو د بیو په اړه وندانا هري نظر
د انرژۍ شنونکي وندانا هري وویل: “په ښکاره ډول، د تېلو بازار په دې پړاو کې د اضافي اکمالاتو خطر فکتور ته اړتیا نه ویني.”
هغې زیاته کړه چې د برینټ خام تیل ممکن د ۹۰ ډالرو نښې ته راښکته شي، مګر د پام وړ بېرته راګرځېدل امکان نلري ځکه چې سوداګر په غزه او اوکرایین کې د شخړو سره تړلو خطرونو ته متمرکز پاتې دي.
نور ولولئ: پر اسراییل د حماس له بریدونو سره سم د تېلو او ګازو بیو لوړېدل
نور ولولئ: طالبانو ۱۱ ټانکره بې کیفیته تېل بېرته ایران ته مسترد کړل
شنونکو دا هم ویلي چې د برید په اړه د اسرائیل غبرګون به په راتلونکو ورځو او اونیو کې د نړیوالو بازارونو لپاره کلیدي وي.
د سوداګرۍ پلیټ فارم XM.com څخه پیټر مک ګیر بي بي سي ته وویل هغه تمه لري د انرژۍ بازار به بې ثباته وي او وړاندوینه یې وکړه چې که اسرائیل د ایران دې اقدام ته سخت ځواب ورکړي د تیلو بیې به لوړې شي.
د ونډو بازارونو رالوېدل
د آسیا – آرام سمندر په سیمه کې د ونډو بازارونه د دوشنبې په ورځ راټیټ شول ځکه چې پانګوالو د برید اغېز کچې ته په تمه وو.
په هانګ کانګ کې هینګ سینګ، د جاپان نیکي ۲۲۵ او په سوېلي کوریا کې کوسپي ټول ټیټ وو، په داسې حال کې چې د چین د شانګهای د ونډو د تبادلې ترکیب له ۱٪ څخه ډېر لوړ و.
د سرو زرو بیه لوړه شوه، د ریکارډ لوړې کچې ته نژدې شوه.
سره زر اکثرا د ناڅرګندتیا په وخت کې د خوندي پانګونې په توګه ګڼل کېږي او د دې اونۍ په پای کې په چټکۍ سره وده کوي.
