د بشري حقونو د څار بنسټ پر نړیوالو نیوکه کړې چې ګواکي دوی ته د افغان نجونو زده کړې ارزښت نه لري
طالبانو د افغان نجونو او ښځو پر کار او زده کړو بندیز لګولی او دوی یې له دغه انساني او بشري حقونو محرومې کړي دي.
د بشري حقونو څار بنسټ وايي چې د تېرو درېیو کلونو په ترڅ هېوادونو او نړیوالو سازمانونو په افغانستان کې د نجونو زدهکړو ته ارزښت نه دی ورکړی.
د نجونو پر زده کړو بندیز درې کلن شو
یاد بنسټ سهشنبه د وږي پر ۲۷مه په یوې خپره کړې بیانیه کې د طالبانو تر واک لاندې افغانستان کې له شپږم ټولګې پورته د نجونو زدهکړو د محرومیت درېیم کال په مناسبت لیکلي چې دا ډله له زدهکړو د نجونو په محرومولو سره د هېواد د پوهنې سیسټم ته اوږدمهاله زیان رسوي.
په بیانیه کې راغلي: «په داسې حال کې چې د افغان نجونو د منځنۍ زدهکړې موضوع په نړیواله کچه ډېر بحثونه رامنځ ته کړي، خو دولتونو او نړیوالو بنسټونو تر اوسه دې موضوع ته ارزښت نه دی ورکړی.»
نور ولولئ: طالبان افغانستان کې ښځې له کار او زده کړو منع کوي، خو بهر کې له نیم لوڅو سره انځورونه اخلي
نور ولولئ: امریکايي سفیرې د طالبانو پر وړاندې د نړۍ هېوادونه یو والي ته راوبلل
نور ولولئ: ګورډن براون: د طالبانو له خوا د افغان ښځو او نجونو ځورول د بشریت ضد جنایت دی
د بشري حقونو څار بنسټ په وینا، د نجونو پر زدهکړو د طالبانو بد ندیز له کبله به د هېواد په ښوونیز سیسټم کې «جنسیتي نابرابرۍ» رېښې وکړي.
د بشري حقونو د دغه بنسټ په اند، دا بندیز د افغانانو د ژوند پر بېلابېلو اړخونو منفي اغېز لري.
د ښځینه کادرونو د کمښت محسوسېدل
نوموړي بنسټ ویلي چې که له زدهکړو د نجونو راګرځېدو بهیر همداسې دوام ولري، افغانستان به په راتلونکو څو کلونو کې د ډاکټرانو، نرسانو، ښځینهښوونکو او لوستو ښځو له جدي کمښت سره مخ شي.
که څه هم نړیواله ټولنه او افغان ملت بار، بار د افغان نجونو پر مخ د ښوونځیو او پوهنتونونو د دروازو پرانېستل غواړي، خو طالبانو لا هم دغې غوښتنو ته مثبت ځواب نه دی ویلی.
د طالبانو رژیم وايي، د نجونو زده کړو ته به زمینه برابروي، خو به د دریو کلونو په تېرېدو دوی تراوسه کومه حل لاره نه ده راایستلې.
د بشري حقونو د څار بنسټ یو ځل بیا له طالبانو غوښتي چې دا بندیز پای ته ورسوي.
طالبانو شاوخوا درې کاله مخکې لږ تر لږه ۱.۴ میلیونه نجونې د زدهکړو له حقه بې برخې کړې دي.
د اسلامي نړۍ او د افغانستان دیني علماءکرامو هم بار، بار دغه غوښتنه کړې، خو طالبان لا هم چوپ دي.
