د حج مراسم؛ عربستان افغانستان ته کمه ونډه په پام کې نیولې

ځړول شوی:مې 12, 2022 لخوا ځړول شوی:مسعود تبصرې:0

د حج او اوقافو وزارت وایي، چې د حج د مراسمو لپاره د افغانستان ونډه د وړاندې کلونو پرتله کمه شوې ده. د دغه وزارت د ویاند په وینا، په روان کال کې تر ډېره هغو کسانو ته موکه ورکول کېږي، چې په وروستیو دوو کلونو کې حج ته د تګ لپاره انتظار پاتې شوي دي.

 

د حج او اوقافو وزارت د اطلاعاتو او عامه اړیکو رییس  فضل محمد حسیني وايي:«په روان کال کې هغو کسانو ته چې په تېرو کلونو کې یې نوملیکنه کړې ده د هر ولایت د نفوس په تناسب ونډه ورکول کېږي چې وکړای شي حج ته ولاړ شي.»

د ښاغلي حسیني په وینا، هغه کسان چې عمر یې له پنځه شپیتو کالونو نه زیات وي، د سږکال د حج په مراسمو کې نه شامیلېږي. د ده په وینا، د وېزې اخیستنې بهیر هم سږکال په آنلاین بڼه ترسره کېږي:«سعودي عربستان هغو کسانو ته چې حج ته درومي داسې شرطونه لګولي دي چې عمر یې له ۶۵ کلونو زیات نه وي او واکسین یې هم کړی وي.»

نور یی ولوله | کابل کې د درملو په عمده پلورونځيو کې د درملو د کمښت په تړاو ګواښ

خو دغه کار د یو شمېر هېوادوالو نیوکې راپارولې دي. د بامیان اوسېدونکی سید سلطان وايي:«هیله لرم هغه محدودیتونه چې سعودي لګولي دي، لېرې شي څو ټول وکړای شي حج ته ولاړ شي.»

د بدخشان اوسېدونکې زینب وویل:«دا چې خلک کولای شي حج ته ولاړ شي، خوشحاله یم؛ خو هیله لرم چې عربستان د افغانستان ونډه زیاته کړي.»

بل خوا د کورنیو چارو وزارت د یوې اعلامیې په خپرولو سره د ټرانسپورټ د عمومي ریاست او حج او اوقافو وزارت ترمنځ د یوې هوکړې د لاسلیکېدو خبر ورکوي. د دغې هوکړې له مخې پرهغو کسانو د پاسپورټونو د وېش بهیر چټکیږي،چې سږکال حج ته ځي.

ځواب دلته پرېږدئ

ستاسو برېښناليک به نه خپريږي.

زموږ په خبر پاڼه کې ګډون وکړئ
وروستي مقالې، دندې، وړیا، تفریحي خبرونه په مستقیم ډول ستاسو ان باکس ته وړاندې کړئ.
170000 پیرودونکي دلته دي.