د پاکستان له رامنځته کېدو سره سم دغه هېواد په افغانستان کې د هند له نفوذ ویره لري
تازه د هند د بهرنیو چارو وزارت د افغانستان او پاکستان د څانګې مشر جي پي سنګ کابل ته سفر کړی او د طالبانو د بهرنیو چارو له سرپرست وزیر سره یې کتلي دي.
خو اسلام اباد بیا تل د نوي ډهلي او کابل تر منځ له دا ډول اړیکو او لیدنو ویره لرلي ده.
د دې ډلې د بهرنیو چارو وزارت د پنجشنبې په ورځ په یوه خبرپاڼه کې لیکلي، چې هند د طالبانو له حکومت سره د سیاسي او اقتصادي اړیکو پراخولو ته لېواله دی.
د افغانستان بازارونو ته د هندي تولیداتو رسول
د طالبانو د بهرنیو چارو وزارت هم پر اېکس پاڼه لیکلي، امیر خان موتقي له جي پي سنګ سره د افغانستان او هند پر دوه اړخیزو اړیکو، اقتصادي او ټرانزیټي مسایلو خبرې کړې دي.
نوی ډهلی هڅه کوي چې د افغانستان بازارونو ته خپل تولیدات ورسوي او د پاکستان لاس ورلنډ کړي چې د همدې لپاره په دې کتنه کې هند د چابهار بندر له لارې د دواړو هېوادونو ترمنځ د سوداګرۍ د پراختیا ملاتړ هم وکړ.
نور ولولئ: امیر خان متقي وايي، رسمیت پېژندنه د فشار په توګه کارول کېږي
نور ولولئ: د اړیکو په ښه والي کې د پاکستان نوي حکومت ته د امیرخان متقي تمه
نور ولولئ: له حامد کرزي سره یوه هندي چارواکي جي پي سنګ کتلي دي
د طالبانو د بهرنیو چارو وزارت لیکلي، چې د هند د بهرنیو چارو وزارت چارواکي له داعش سره د طالبانو د مبارزې، فساد او له نشه یي توکو سره د مبارزې ستاینه کړې ده.
د پاکستان اندېښنې به نورې هم زیاتې شي
که څه هم په افغانستان کې د نورو نظامونو په څېر طالبان هم په سیمه کې د افغانستان پر متوازن سیاست ټینګار کوي، خو دغه ټکی د اسلام اباد اندېښنې نه شي حل کولی او نه یې پخوا حل کړي دي.
په دې لیدنه کې متقي ویلي، طالبان غواړي له هند سره سیاسي او اقتصادي اړیکې د ‘متوازن سیاست’ له لارې پیاوړې کړي.
د تاریخ په اوږدو کې پاکستان دې ته حاضر نه دی چې په افغانستان کې دې هند نفوذ ولري، خو د کارپوهانو په وینا په اوس وخت کې د افغانانو پر وړاندې د پاکستان ناسم سیاستونه ددې لامل شوي چې د پنجاب په مقابل کې د افغانانو کرکه اوج ته ورسېږي او دلته د هند نفوذ ته لار هواره شي.
اسلام اباد د افغانستان په مقابل کې د نیابتي ډلو د جنګولو لپاره زمینه برابره کړې، تر څو د هغو دولتونو په مقابل کې وجنګېږي چې د هند له دولت سره نږدې اړیکې غواړي، خو دا ځل داسې ښکاري چې نور یې دغه لوبه بایللې ده.
