د اماراتو بهرنیو چارو وزیر وايي، له امریکا سره به د دوه اړخیزو ګټو پر بنیاد خپلې اړیکې دوه چنده کړي
د متحده عربي اماراتو د بهرنیو چارو وزیر وویل، امارت له امریکا سره خپلې اړیکې لا پراخې کړي، تر څو د دواړو هېوادونو تر منځ په دوه اړخیزو ګټو کې لا ډېر پرمختګ رامنځته شي.
د بهرنیو چارو وزیر شیخ عبدالله بن زاید آل نهیان دا څرګندونې وروسته له هغې وکړې چې د متحده عربي اماراتو واکمن په دې اونۍ کې د متحده ایالاتو له ولسمشر جو بایډن، ولسمشرۍ ته د دیموکراتیک ګوند کاندیده کامالا هېرېس او پخواني ولسمشر ډونالډ ټرمپ سره جلا، جلا وکتل او د دواړو هېوادونو د اړیکو او شریکو ګټو په اړه یې له یوه او بل سره بحثونه وکړل.
امریکا متحده ایالاتو ته د جلالتماب شیخ محمد لومړی سفر
د اماراتو مشر شیخ محمد بن زاید آل نهیان د دولت د رئیس په توګه خپل لومړی سفر متحده ایالاتو ته ترسره کړ. دا هم د ۱۹۷۱ کال راهیسې چې متحده عربي امارات جوړ شوی، د یو ناست اماراتي ولسمشر لومړنی سفر و.
وویل چې متحده عربي امارات د امریکا متحده ایالاتو یو لوی دفاعي شریک دی.
نور ولولئ: د متحده عربي اماراتو اقتصاد به ۵ سلنه وده وکړي
نور ولولئ: ایران او متحده عربي اماراتو د جامع اقتصادي همکاریو تفاهم لیک لاسلیک کړ
نور ولولئ: د متحده عربي اماراتو اقتصاد به ۵ سلنه وده وکړي
شیخ عبدالله په یوه بیان کې رویټرز ته وویل: “زما هیواد، متحده عربي امارات، د متحده ایالاتو سره خپل اړیکې دوه چنده کوي.” خو هغه نور جزئیات ورنکړل.
په سوډان او منځني ختیځ کې د اماراتو اغېز
د امریکا د ولسمشر مرستیالې کاملا هېرېس د اماراتو له ولسمشر سره په ځانګړې لیدنه کې د سوډان پر روان وضعیت اندېښنه څرګنده کړې او ویلي یې دي چې امارات په دې برخه کې له امریکا او نړیوالې ټولنې سره مرسته کولی شي.
د متحده عربي اماراتو ولسمشر شیخ محمد بن زاید النهیان په داسې حال کې واشنګټن ته سفر کوي چې دغه هېواد په اقتصادي او ټکنالوژیک ډګر کې په خورا چټکۍ سره د ودې په حال کې دی.
ددغه هېواد ولسمشر به له امریکا سره د اقتصادي ودې، مصنوعي ځیرکتیا، چاپیریال ساتنې او نورو برخو کې تړونونه هم لاسلیک کړي.
امریکا ته د ولسمشر شیخ محمد سفر نړیوالو رسنیو مهم بللی او ویلي دي چې د اماراتو او امریکا لپاره به نوی باب پرانېزي او د دواړو هېوادونو له هغه فرصتونو به ګټه پورته کړل شي، چې لري یې او له یوه او بل سره په کې همکاري کولی شي.
