د هرات خونړۍ زلزله؛ متحده عربي اماراتو یې قربانیانو ته موقت روغتون جوړ کړ
د عربي متحده اماراتو د روغتیا وزارت هرات ولایت کې د زلزلې قربانیانو د درملنې لپاره موقت روغتون جوړ کړی دی
د عربي متحده اماراتو د دولت له لوري له زلزله ځپلو سره د مرستو په لړۍ کې دا ځل هرات ولایت کې د زلزلهځپلو لپاره یو موقت روغتون جوړ کړي چې په هغه کې د یادې زلزله د قربانیانو علمیات کېږي او تداوي یې کېږي.
نور ولولئ: د متحده عربي اماراتو خواخوږي؛ له زلزله ځپلو سره یې بېړنۍ مرسته وکړه
ددې روغتون ډاکټران به په ۲۴ ساعتونو کې ۸ ساعته کار کوي او د ناروغانو او ټپیانو درملنه به کوي، ځکه زلزلهځپلي خلک او کورنۍ د خوړو او سرپنا تر څنګ روغتیايي خدماتو ته هم اړتیا لري چې په دې برخه کې عربي متحده اماراتو خپله همکاري وښودله.
ددې روغتون سهولتونه
دغه روغتون د عربي متحده امارتو له لوري په ۱۴ کانټینرونو کې جوړ شوی او د یوه روغتون ټول اړین روغتیایي توکي پکې دي.
د هرات لپاره د طالبانو د اطلاعات او کلتور مشر احمد الله متقي پر ایکس پاڼه د عربي متحده امارتو له لوري په اته ساعته کې د ګرځنده جوړ شوي روغتون ویډیوګانې خپرې کړې دي.
نور ولولئ: متحده عربي اماراتو کې له افغان مشرانو او سوداګرو سره د ټوماس وېسټ لیده کاته
نوموړی وايي، یوه ورځ وړاندې د عربي متحده اماراتو یو پلاوی هرات ولایت ته ورغلی او ژمنه یې وکړه چې په اته ساعته کې به د زلزله ځپلو کسانو د درملنې لپاره روغتون جوړ کړي.
د نوموړي په خبره د «اماراتو پلاوي خپل ژمنه پوره کړه او یو مجهز بیړنی روغتون یې جوړ کړ.»
د متقي په خبره په یاد روغتون کې به شاوخوا ۶۰ روغتیا پالان کار کوي.
د عربي متحده اماراتو نورې مرستې
څو ورځې وړاندې متحده عربي اماراتو په افغانستان کې له هغو خلکو سره د ۳۳ ټنو خوراکي او غیر خوراکي توکو مرسته وکړه چې د افغانستان په جنوب هرات ولایت کې څو ورځې وړاندې زلزلې وځپل او د سر او مال دروند زیان یې ورته واړوه. په یاده زلزله په زرګونو کسان اغېزمن شوي چې بېړنیو مرستو ته اړتیا لري.
له افغانانو سره شوي مرسته زاید بن سلطان النهیان د خیریه بنسټ او نورو بنسټونو څخه راټوله شوي او بیا زلزله ځپلو ته لېږل شوي ده.
د عربي متحده امارتو له لوري یاد بیړنی روغتون داسې مهال جوړیږي چې په هرات کې د تېرې څه باندې یوې اونۍ زلزلو له امله ناورین را منځته شوی.
د یادونې وړ ده چې وروستۍ زلزلې په هرات ولایت کې ګڼو کسانو ته مرګ ژوبله واړوله او ډېره کورونه یې له یوې مخې له منځه وړي دي.
