د هندوستان غوره ليګ (IPL) سياليو په لړ کې تېره شپه چينای لوبډلې بنګلور لوبډلې ته ماتې ورکړه
د هندوستان غوره ليګ يا IPL د سږني پړاو په ۲۴مه لوبه کې چينای سوپر کينګ لوبډلې رويل جنلجرز بنګلور لوبډلې ته ماتې ورکړه
د نوموړې لوبې پچه د رويل جلنجرز بنګلور لوبډلې لوبډلمشر فاف ډوپليسېس وګټله او لومړی يې د توپ اچونې پریکړه وکړه.
د چينای سوپر کينګ لوبډله د هدف ټاکلو په موخه ميدان ته راښکته شوه. د توپ وهنې په برخه کې، د دوی له طرفه ډېون کانوې، شېوان ډوب او اجينکيا رهاني ښه لوبه وکړه. ډېون کانوې په ۴۵ توپونو ۸۳ منډې، شېوان ډوب په ۲۷ توپونو ۵۲ او اجينکيا رهاني په ۲۰ توپونو ۳۷ منډې جوړې کړې. د چينای سوپر کينګ لوبډلې د ۲۰ اورونو په لوبولو سره ۶ لوبغاړي له لاسه ورکړل او ۲۲۶ منډې يې ترلاسه کړې چې سيالې لوبډلې ته يې د ۲۲۷ منډې هدف وټاکه.
د رويل جلنجرز بنګلور لوبډلې له لوري په توپ اچونه کې ونېنډو هسرنګا، ګلين مکسويل او محمد سراج تر نورو ښه لوبه وکړه، ونېنډو هسرنګا په ۲ اورونو کې ۲۱ منډې ورکړې او يو لوبغاړی يې وسوزو، ګلين مکسويل په ۲٫۴ اورونو کې ۲۸ منډې ورکړې او ده هم يوه ويکټ ترلاسه کړه او محمد سراج بيا په ۴ اورونو کې ۳۰ منډې ورکړې او يو لوبغاړی يې له ډګره بهر کړل.
د رويل جلنجرز بنګلور لوبډله د هدف پوره کولو لپاره ميدان ته راښکته شوه
د رويل جلنجرز بنګلور لوبډلې له لوري په توپ وهنه کې ګلين مکسويل، فاف ډوپليسېس او ډېنېش کارټيک ښه لوبه وکړه. ګلين مکسويل په ۳۶ توپونو ۷۶ منډې، فاف ډوپليسېس په ۳۳ توپونو ۶۲ منډې او ډېنېش کارټيک بيا په ۱۴ توپونو ۲۸ منډې وکړې خو ونه توانېدل ټاکلی هدف ته ورسيږي چې د لوبې تر ورستي باله يې ۲۱۸ منډې وکړې او لوبه يې د ۸ منډو په توپير وبايلله.
نور ولولئ: د هندوستان غوره ليګ (IPL) سياليو په لړ کې تېره ورځ دوه لوبې تر سره شوې
د چينای سوپر کينګ لوبډلې له لوري په توپ اچونه کې ټوشر ډېشپنډا، مټېشا پټېرانا او معين علي ښه لوبه وکړه. ټوشر ډېشپنډا په ۴ اورونو کې ۴۵ منډې ورکړې او ۳ لوبغاړي يې وسوزول، مټيشا پټېرانا په ۴ اورونو کې ۴۲ منډې ورکړې او ۲ ويکټې يې ترلاسه کړې او معين علي په ۱ اورو کې ۱۳ منډې ورکړې او يو لوبغاړی يې له ډګره بهر کړ.
د نن لوبې له حاله هم خبر شئ
د هندوستان په غوره ليګ سياليو کې نن يوه بله په زړه پورې لوبه ترسره کيږي چې سنرايزرس حيدرآباد لوبډله د مومبيي اينډينس سره لوبه کوي.
د يادونې وړ ده چې په سنرايزرس حيدرآباد لوبډله کې د افغانستان چپ لاسی چټک توپ اچونکی فضل الحق فاروقي هم لوبه تر سره کوي.
