د هندوستان غوره ليګ IPL سياليو په لړ کې تېره شپه بنګلور لوبډلې لکناو لوبډلې ته ماتې ورکړه
د هندوستان غوره ليګ IPL سياليو په لړ کې، د دغه سياليو په ۴۳مه لوبه کې بنګلور لوبډلې په ۱۸ منډو لکناو لوبډلې ته ماتې ورکړه
د آی پي اېل سياليو د بيګانۍ لوبې پچه د رويل جلنجرز بنګلور لوبډلې لوبډلمشر ويرات کولي وګټله او لومړی يې د توپ وهنې پرېکړه وکړه.
رويل جلنجرز بنګلور لوبډلې لومړی توپ وهنه وکړه. د دوی له لوري فاف ډوپليسېس، ويرات کولي او ډېنېش کارټيک ښه توپ وهنه وکړه. ډوپليسېس په ۴۰ توپونو ۴۴ منډې، کولي په ۳۰ توپونو ۳۱ منډې او کارټيک په ۱۱ توپونو ۱۶ منډې وکړې. د بنګلور لوبډلې د شل اورونو له لوبولو وروسته خپل ۹ لوبغاړي له لاسه ورکړل، ۱۲۶ منډې يې وکړې او سيالې لوبډلې ته يې د ۱۲۷ منډو هدف وټاکه.
نور ولولئ: د هندوستان غوره ليګ IPL سيالۍ
د لکناو سوپر جاينټ لوبډلې له لوري نوينالحق، راوي بوشنای او امېټ ميشرا ښه توپ اچونه وکړه. نوین الحق په ۴ اورونو کې ۳۰ منډې ورکړې او ۳ لوبغاړي يې وسوزول، بوشنای په ۴ اورونو کې ۲۱ منډې ورکړې او دوه ويکټې يې ترلاسه کړې او ميشرا په ۳ اورونو کې ۲۱ منډې ورکړې او ۲ لوبغاړي يې له ډګره بهر کړل.
د لکناو سوپر جاينټ لوبډله د هدف پوره کولو لپاره ميدان ته راښکته شوه
د لکناو لوبډلې له لوري کريشنپا ګوتم، اميټ ميشرا او کرونل پنډيا ښه توپ وهنه وکړه. ګوتم په ۱۳ توپونو ۲۳ منډې، ميشرا په ۳۰ توپونو ۱۹ منډې او پنډيا په ۱۱ توپونو ۱۴ منډې جوړې کړې. د لکناو لوبډلې د ۱۹٫۵ اورونو له لوبولو وروسته، ټول لوبغاړي له لاسه ورکړل، ۱۰۸ منډې يې جوړې کړې او لوبه يې د ۱۸ منډو په توپير وبايلله.
نور ولولئ: د هندوستان غوره ليګ IPL سياليو په لړ کې تېره ورځ يوه لوبه ترسره شوه
د بنګلور لوبډلې له لوري جوش هزلوډ، کرن شرما او ګلین مکسويل ښه توپ اچونه وکړه. هزلوډ په ۳ اورونو کې ۱۵ منډې ورکړې او ۲ لوبغاړي يې وسوزول، شرما په ۴ اورونو کې ۲۰ منډې ورکړې او دوه ويکټې يې ترلاسه کړې او مکسويل په يو اور کې ۵ منډې ورکړې او يو لوبغاړی يې له ډګره بهر کړ.
د نن لوبې له حاله هم خبر شئ
د هندوستان غوره ليګ سياليو په لړ کې نن يوه لوبه ترسره کيږي چې ګجرات ټايټنس لوبډله له ډهلي کپيټلس لوبډلې سره لوبه کوي. دغه لوبه د افغانستان په وخت ۶ نیمې بجې ترسره کیږي.
نور لولئ: د هندوستان غوره ليګ (IPL) سياليو په لړ کې تېره شپه راجستان لوبډلې چينای لوبډلې ته ماتې ورکړه
