د هندوستان غوره ليګ IPL سياليو په لړ کې تېره شپه د کلکتې نايټ رايډرز لوبډلې، رويل جلنجرز بنګلور لوبډلې ته د ۲۱ منډو په توپير ماتې ورکړه
د آی پي اېل سياليو د ۳۶مې لوبې پچه د رويل جلنجرز بنګلور لوبډلې لوبډلمشر ويرات کولي وګټله او لومړی يې د توپ اچونې پرېکړه وکړه.
د کلکتې لوبډله د هدف ټاکلو په موخه ميدان ته راښکته شوه. د کلکتې لوبډلې له لوري جسون روی، لوبډلمشر نيټيش رنا او وينکټېش اير ښه توپ وهنه وکړه. جسون روی په ۲۹ توپونو ۵۶ منډې، نيټيش رنا په ۲۱ توپونو ۴۸ منډې او وينکټېش اير په ۲۶ توپونو ۳۱ منډې وکړې. د کلکتې لوبډلې د شل اورونو په لوبولو سره خپل ۵ لوبغاړي له لاسه ورکړل، ۲۰۰ منډې يې جوړې کړې او سيالې لوبډلې ته يې د ۲۰۰۱ منډو هدف وټاکه.
نور ولولئ: د هندوستان غوره ليګ (IPL) سياليو په لړ کې تېره شپه ګجرات لوبډلې مومبيي لوبډلې ته ماتې ورکړه
د بنګلور لوبډلې له لوري ونينډو هسرنګا، ويشک ويجای کومار او محمد سراج ښه توپ اچونه وکړه. هسرنګا په ۴ اورونو کې ۲۴ منډې ورکړې او دوه لوبغاړي يې وسوزول، کومار په ۴ اورونو کې ۴۱ منډې ورکړې او ده هم دوه ويکټې ترلاسه کړې او محمد سراج په ۴ اورونو کې ۳۳ منډې ورکړې او يو لوبغاړی يې له ډګره بهر کړ.
د بنګلور لوبډله د هدف پوره کولو لپاره ميدان ته راښکته شوه
د بنګلور لوبډلې له لوري لوبډلمشر ويرات کولي، ماهيپل لامرور، او ډنيش کارټک ښه توپ وهنه وکړه. کولي په ۳۷ توپونو ۵۴ منډې، لامرور په ۱۸ توپونو ۳۴ منډې او ډنيش کارټک په ۱۸ توپونو ۲۲ منډې وکړې. د بنګلور لوبډلې د شل اورونو په لوبولو سره خپل ۸ لوبغاړي له لاسه ورکړل، ۱۷۹ منډې يې جوړې کړې او لوبه يې د ۲۱ منډو په توپير وبايلله.
د کلکتې لوبډلې له لوري وارن چکرورټي، انډر رسل او سياش شرما ښه توپ اچونه وکړه. چکرورټي په ۴ اورونو کې ۲۷ منډې ورکړې او ۳ لوبغاړي يې وسوزول، رسل په ۴ اورونو کې ۲۹ منډې ورکړې او شرما بيا په ۴ اورونو کې ۳۰ منډې ورکړې او دواړه دوه-دوه ويکټې ترلاسه کړې.
نور ولولئ: د هندوستان غوره ليګ (IPL) سياليو په لړ کې تېره ورځ دوه لوبې ترسره شوې
د لوبې غوره لوبغاړی وارن چکرورټي وټاکل شول چې ښه توپ اچونه يې کړې وه.
د نن لوبې له حاله هم خبر شئ
د هندوستان غوره ليګ سياليو په لړ کې نن يوه لوبه ترسره کيږي چې راجستان رويلس لوبډله له چينای سوپر کينګ لوبډلې سره مخامخ کيږي.
