اړوند خبرونه:
د طالبانو رژیم: داعش خراسان اوس د پاکستان له بلوچستان او خیبرپښتونخوا فعالیت کوي
د طالبانو او پاکستان ترمنځ د اړیکو ترینګلتیا؛ پاکستان د ملایانو بله ډله کابل ته استولي
پاکستانۍ رسنۍ وايي چې په شمالي وزیرستان کې د ټي ټي پي یا تحریک طالبان پاکستان په لیکو کې ۳ افغانان چې په ترهګريزو بریدونو کې ښکېل وو، وژل شوي دي.
ډان ورځپاڼې د سه شنبې په ورځ ( سلواغه، ۲۳) مه د پاکستاني پوځ له قوله په خپل راپور کې وايي، چې دغه افغان وسله وال د پاکستاني پوځ په ځانګړو عملیاتو کې وژل شوي دي.
د راپور پر بنسټ، دغه افغان جنګیالي د تحریک طالبان پاکستان په لیکو کې د پاکستان امنیتي دستګاه پرضد جنګېدل.
ډان ورځپاڼې د وژل شوو افغان طالبانو نومونه «ضرار افغان»، «نقیب الله افغان» او «سرکش افغان» ذکر کړي دي.
له دې وړاندې هم اسلام اباد له طالبانو غوښتي وو چې په افغانستان کې د پاکستان پرضد د ترهګرو ډلو او ټي ټي پي پرضد اقدام وکړي، خو طالبانو بیا په افغان خاوره کې د تحریک طالبان پاکستان موجودیت رد کړی دی.
