د ملګروملتونو دایمي ګمېټه وایي
د ملګروملتونو دایمي ګمېټه وایي، له کار څخه د ښځو منع کول د ټولنې زیانمنونکو برخو په ځانګړې توګه ښځو او ماشومانو ته لوی زیان رسوي.
دا کمېټه چې د بشري مرستو د همغږۍ مسوولیت هم لري، له اسلامي امارت غوښتنه کړې چې په غیردولتي بنسټونو کې پر ښځینه کارکوونکو د دندو ځنډېدو پرېکړه لغوه کړي. د ملګرو ملتونو د شل ګونو کمېټو د اعلامیې په یوې برخه کې راغلي: «موږ د افغانستان له اوسنیو چارواکو غواړو چې، په ښوونځیو، پوهنتونونو او ټولنه کې د ښځو د حضور د ممنوعیت پر حکمونو بیا کتنه او هغه لغوه کړي. هېڅ هېواد نشي کولی خپل نیمايي نفوس په ټولنه کې له ګډونه محرومه کړي.
د ملګري ملتونه کمېټه :
دې کمېټې همداراز وړاندوینه کړې چې، ښايي په افغانستان کې یې ډېری فعالیتونه ودرول شي. له دې سره سم، د آمریکا او بریټانیې په ګډون د دولسو هېوادونو د بهرنیو چارو وزیرانو د یوې ګډې اعلامیې په خپرولو سره ویلي چې، غیر دولتي بنسټونه له ښځینه کارکوونکو پرته نشي کولی په افغانستان کې د بشري مرستو د رسولو په برخو کې خپلو فعالیتونو ته دوام ورکړي
نور یی ولوله | کابل څلورو نړیوالو بنسټونو خپل فعالیتونه ودرول
نور یی ولوله | کرینه کپور د سیف علي خان په کومو ځانګړتیاوو مئینه شوې ده
د دولسو هېوادونو د بهرنیو چارو وزیران :
د دولسو هېوادونو د بهرنیو چارو وزیرانو د ګډې اعلامیې په یوې برخه کې زیاته شوې: «موږ له طالبانو غواړو چې، له ځنډ پرته دغه پرېکړه لغوه کړي. ښځې په بشري فعالیتونو او نورو اساسي چارو کې مهم نقش لري. د سیاسي چارو کارپوه هاشم الکوزی وايي: «مخالف پهدې یم چې باید د خویندو د کار مخه و نه نیول شي او موافق پهدې یم چې محرم، یانې پلار، ورور یا خاند یې خویندو سره لاړ شي
د ښځو حقونو فعاله سودابه نژند وايي: «موږ د خپلې ټولنې د سړیو او نړیوالې ټولنې ملتیا غواړو او موږ غواړو چې موږ ته خپل حق راکړل شي. تر دې مخکې د ملګرو ملتونو امنیت شورا ویلي چې، په افغانستان کې د ښځو د کار له ځنډېدو سره په دغه هېواد کې د بشري مرستو بهیر ټکنی شوی دی. د ویلو ده چې د همدې پرېکړې په غبرګون کې لا تر اوسه څلورو نړۍوالو سازمانونو په افغانستان کې خپل فعالیتونه درولي دي
