د کابل تر ټولو پیاوړی پوهنتون
![د کابل تر ټولو پیاوړی پوهنتون](https://afghannow.net/wp-content/uploads/2022/11/8.jpg)
کاردان له تېرو شاوخوا ديارلسو کلونو راهیسې کاردان پوهنتون د افغانستان د ودې او پرمختګ لپاره وړ او متخصص کدرونه او رهبران روزي او ټولنې ته یې د خدمت په موخه وړاندې کوي.
په داسې حال کې چې افغانستان د بدلون په مهم او ننګونکي پړاو کې واقع دی، کاردان لا ډېرې هڅې کوي چې افغان ښځينه او نارينه له اوچتو مهارتونو پوهې او د مشرۍ له وړتیاو سره د ټولنې رهبرۍ ته وړاندې کړي. د لا ډېرو بریالیتوبونو د تر لاسه کولو لپاره، کاردان خپل پروګرامونه او خدمتونه د معياري لوړو زده کړو په برخه کې د نوښتګرو لارو چارو پرمټ لا ځواکمن کړي، کوم چې پراختیايي پروګرامونه، د ماسټرۍ په کچه لوړې زده کړې او د پوهنتون لپاره د نړيوال اکاډمیک اعتبار تر لاسه کول پکې شاملېږي..
نور یی ولوله | خلیلزاد: د افغانستان وضعیت د امریکا لپاره ښه دی
نور یی ولوله | راتلونکې یکشنبه قطر کې د فوټبال نړیوال جام پېلیږي
د کاردان هلې ځلې
کاردان پوهنتون تر بل هر وخت لا ډېرې هلې ځلې کوي، چې د لوړو زده کړو معيار او کیفیت لوړ کړي، د محصلينو لپاره وړ خدمتونه برابر او د پوهنتون آسانتياوو او بنسټونو ته پیاوړتیا او پراختیا ورکړي. په دې وروستيو کې کاردان په بې ساري ډول له ملي او نړیوالو منل شويو تحصیلي بنسټونو سره د نړیوال کېدو په موخه د همکاريو ګڼ تړونونه لاسلیک کړي دي.
دوامداره هڅې
دغه دوامداره هڅې کاردان ته د لوړ فکر کولو وړتيا او محصلينو او تخصصي ټولنې ته د زده کړو او تدريس استثنايي تجربې ورکوي. له اغېزناک تحصیلي چاپيريال څخه نيولې تر پراخو ښوونيزو فعاليتونو او لوړ اکاډميک تعهد پورې، کاردان پوهنتون د تحصیل او زده کړو يو داسې ځای دی، چې د هېواد راتلونکي رهبران پکې روزل کېږي