د ۲۰ اوریز نړیوال جام د سوپر ۸ یا ۸ غوره لوبډلو پړاو نن د نیوزیلانډ او پاکستان ترمنځ په سیالۍ پیلېږي. د افغانستان د وضعیت په ګډون بشپړ جزیات دلته ولولئ.
د کرېکټ د مینه والو انتظار پای ته ورسېد او د ۲۰۲۶ کال د ۲۰ اوریز نړیوال جام خورا حساس پړاو نن شنبه په رسمي ډول پیلېږي. په دغه پړاو کې، چې د سوپر ۸ یا د ۸ غوره لوبډلو په نوم یادېږي، د نړۍ پیاوړې لوبډلې یو د بل پر وړاندې د نیمه پایلوبې ته د رسېدو لپاره ډګر ته وځي.
۲۰ اوریز نړیوال جام، د سوپر ۸ لومړۍ لوبه: پاکستان او نیوزیلانډ
د ۲۰ اوریز نړیوال جام د دغه پړاو په لومړۍ سیالۍ کې نن ماښام د پاکستان او نیوزیلانډ پیاوړې لوبډلې سره مخامخ کېږي. د احصایو له مخې، دواړو لوبډلو تر دې دمه یو د بل پر وړاندې ۴۹ شل اوریزې لوبې کړي، چې په هغو کې پاکستان ۲۴ او نیوزیلانډ ۲۳ لوبې ګټلي دي. دا نږدې سیالي ښيي چې د نن ورځې لوبه به خورا په زړه پورې او د هیجان څخه ډکه وي. دغه لوبه د افغانستان په وخت نن ماښام ۶ بجې پیلېږي.
۸۲۰ اوریز نړیوال جام، غوره پړاو ته کومې لوبډلې تللي؟
سږني ۲۰ اوریز نړیوال جام کې له سختو ګروپي سیالیو وروسته، لاندې ۸ لوبډلې بریالۍ شوې چې سوپر ۸ پړاو ته لاره ومومي:
۱. هند
۲. پاکستان
۳. سریلانکا
۴. نیوزیلانډ
۵. ویسټ انډیز
۶. سویلي افریقا
۷. انګلستان
۸. زمبابوې
دا لوبډلې به په دوو ګروپونو کې سره لوبېږي او له هر ګروپ څخه به دوه غوره لوبډلې نیمه پایلوبې ته لاره پیدا کوي.
په ۲۰ اوریز نړیوال جام کې د افغان لوبډلې مزل
افغان لوبډلې په سږني ۲۰ اوریز نړیوال جام کې یو یو څه ستونزمن پیل درلود. افغانستان په خپلو لومړنیو دوو ګروپي لوبو کې د سویلي افریقا او نیوزیلانډ پر وړاندې ماتې وخوړه، چې دې کار د هغوی بل پړاو ته د تګ چانسونه کم کړل. که څه هم افغان اتلانو په وروستیو دوو لوبو کې کاناډا او متحده عربي اماراتو ته په ماتې ورکولو سره خپله وړتیا ثابته کړه، خو له بده مرغه د نمرو د کموالي له امله یې ونه شو کړای چې د سوپر ۸ پړاو ته لاره پیدا کړي.
د ۲۰ اوریز نړیوال جام سوپر ۸ پړاو د پاکستان او نیوزیلانډ ترمنځ په حساسې لوبې سره یو نوی جوش پیل کړ. که څه هم د افغانستان سفر په دې جام کې پای ته رسېدلی، خو نړیوال مینه وال لا هم د هند، پاکستان او نورو پیاوړو لوبډلو ترمنځ سختو مقابلو ته په تمه دي.
