سرور دانش نوی طرحه نه منو

دانش: د سولې توحید شوې طرحه مونږ ته دمنلو وړ نده د افغان ولسمشر دویم مرستیال سروردانش ویلي چې د سولې وروستۍ توحید سوې طرحه ورته د منلو نه ده او دا طرحه به نفاق او ناندریو ته لار هواره کړي.

ښاغلی سرورو دانش خپله فېسبوک پاڼه کې لیکلي چې د ملي روغي جوړي شورا له لوري وروستۍ توحید شوې  طرحه چې د ترکیې کنقرانس ته به وړاندې سي نه ده منلې او دايې د نفاق او ناندریو پیلامه بللې.دانش ویلي دا طرحه تر ډیره د یوه قوم یوه ګوند او زلمي  خلیلزاد  لید لوری وړاندې کوي، چې د هېواد دبلې ډلې یا ګوند نظر ته پکښي هیڅ درناوی نه دی سوی.

نوموړي ویلي هڅه شوی چې حکومت د دو قومونو ترمنځ وویشل شي او په دې طرحه کې صدارتي نظام ته لومړیتوب ورکولی سوی دی خو د هېواد د بل هیڅ وګړي درناوی او پروا نه ده سوې.هغه ویلي د دې طرحې ارمانجنو ته دي وویل سي چې  په افغانستان کې جګړې ختمولو ته اړتیا ده نه د نظام ویشلو ته، هغه غوښتنه کړې چې د ملي روغي جوړي شورا جوړه سوې طرحه باید لغوه سي.

د ښاغلي سرورو دانش او ده خو غوندي څو نورو له خولې تل په یوه ملي مشکل کې د نفاق او تعصب بوی راوزي هغوی تل کوښښ کړی چې په ملي مسایلو کې یوې طرحې او کړنو ته د قوم رنګ ورکړي او له دې ملي مسایلو سره مخالفت وښود.

img 20210413 141316

تر دې دمه د سرور دانش د دې خبرو په اړه حکومت او د ملي روغې جوړې شورا څه نه دي ویلي خو د ملي روغي جوړي شورا د خپلې  توحید سوې طرحې په هکله ویلي چې درست او په ډير دقت سره جوړه سوې دا طرحه کولای سي چې ښه ثابته شي.

طالبان د ترکیېغونډې په اړه

طالبان: د ترکیې غونډې ته تیار نه یو.طالبان وايي، د روانې اپریل میاشتې په ۱۶ مه نیټه د افغان سولې په اړه د استانبول کنفرانس کې ګډون نه کوي.دوی وای دې کنفرانس ته هیڅ چمتووالی هم نه لري او د دې کنفرانس کې برخه هم نه اخلي.

دا خبرې د طالبانو د سیاسي دفتر ویاند ډاکټر محمدنعیم د رسنیو اسازو د یوې پوښتنې په ځواب کې کړي او زیاته کړې یې ده، چې د اپریل میاشتې له ۱۶مې نیټې وروسته په دغه کنفرانس کې د ګډون په اړه یې لاهم سلا مشورې روانې دي.ښاغلی محمدنعیم داسې ویلي د استانبول کنفرانس کې د ګډون په اړه  دوه نکتې د یادونې وړ دي: اول هغه تاریخ چې په رسنیو کې ددې کنفرانس د جوړېدو لپاره یعنې ۱۶ د اپریل ویل کیږي، په نوموړي تاریخ مونږ نه شو کولای یاد کنفرانس کې ګډون وکړو.

img 20210413 101119

د اپریل میاشتې له ۱۶ تاریخ وروسته په دغه کنفرانس کې د ګډون په اړه ډاکټر محمدنعیم داسې څرګنده کړې البته له پورته یادې نیټې وروسته په یاد کنفرانس کې د ګډون په اړه زمونږ مشورې روانې دي، چې کله مونږ پرېکړې ته ورسیږو، په اړه به یې رسنیو ته معلومات ورکړو.

طالبان په داسې وخت د افغان سولې په تړاو د استانبول کنفرانس کې د امریکا لخوا په ټاکل شوې نیټې له ګډون څخه انکار او د راتوتلونکې نیټې په هکله هم د مشورو خبره کوي، چې ټاکل شوې وه څلور ورځې وروسته دغه کنفرانس دائر شي.یاد کنفرانس کې د برخه اخیستو لپاره د حکومت او سیاسي ګوندونو یوه متحده طرحه هم چمتو کړه.

او تیره ورځ یې د ملي مصالحې عالي شورا ته وسپارله خو داسې ښکاري چې طالبان له دې کنفرانس وړاندې دا یقیني کول غواړي چې آیا امریکایان په ټاکلې نیټه خپل پوځیان له افغانستانه وباسي او که نه طالبانو په وار وار سره ویلي چې که بهرنی عسکر ونه اوځي دوی به ېېپر وړاندې جګړه پیل کړي.

دوستم تازه خبرې

مارشال دوستم: که سوله رانغله جګړه پيلوم.عبدالرشید دوستم وايي، سره له دې چې د سولې خبرې مهم پړاو ته رسېدلې دي، خو وسله والو طالبانو جګړې ته دوام ورکړی دی او دا هیڅ چا ته نور د منلو وړ نده باد ټولې جدي عملی هڅې وکړي.

مارشال عبدالرشید دوستم ټینګار کړی، چې دی له اروپا او امریکا څخه د راغلو رهبرانو غوندې نه دی او که د سولې پروسه په ځانګړي ډول د استانبول ناسته بې پایلې شوه، نو پخپله به جګړې ته ولاړ شي.د افغانستان د ملي جنبش ګوند مشر مارشال عبدالرشید دوستم په انقره کې د ترکیې د پارلمان له ځينو غړو او په دې هېواد کې له ځينو افغان محصلینو سره په یوه ناسته کې ویلي، که د استانبول ناسته بې پایلې شي او یو ځل بیا جګړه تحمیل شي، نو دی به جګړه پیل کړي.

ښاغلی دوستم زیاته کړې، چې افغانان او افغان سیاسون د سولې پلویان دي او هیله لري چې د ترکیې ناسته یوه مثبته پایله ولري، تر څو نور روانه ناولې جګړه پای ته ورسېږي.نوموړي دا څرګندونې داسې مهال کوي، چې ټاکل شوې څو ورځې وروسته د افغان سولې په تړاو په ترکیه کې د ملګرو ملتونو تر څار لاندې لویه ناسته وشي، چې د افغان دولت او طالبانو پلاوي به پکې ګډون کوي.

img 20210412 102256

یاده غونډه کې به د سولې او جګړه په اړه مهمې او برخلیک ټاکونې پرېکړې وشي.دا غونډه د سولې لپاره د امریکا د نوې طرحې له مخې جوړېږي، چې د موقت حکومت منځته راتګ هم پکې شامل دی، هغه څه چې اوسنی حکومت یې نه مني.

افغانستان کې بیا ورځ تر بلې جګړې زیاتیږي. او هره ورځ لسګونه ملکي وګړو او امنیتي ځواکونو ته مرګ ژوبله اوړي چې جدي اندېښنې یې را پارولې دي.د بشر حقونو خپلواک کمېسیون هم ویلي چې طالبانو په شدت جګړې ته دوام ورکړی او نور باید اوربند وکړي، تر څو حداقل د ملکي خلکو ژوند ته خطر پاتې نشي.

کابل ته راغلی

زلمی خلیلزاد کابل ته راغلی.دافغان سولې لپاره د امریکا ځانګړی استازی زلمی خلیلزاد د سولې خبرو لپاره کابل ته راغلی دی.نوموړی د غه سفر په ترڅ کې ولسمشر غني او د مصالحې عالی شورا مشر عبدالله عبدالله سره لیدل کتل شوي.

ټاکل شوې وه، چې نوموړی ولسمشر اشرف غني او د ملي پخلاینې عالي شورا ریس عبدالله سره د سولې بهیر پر وروستیو پرمختګونو خبرې کړي.ارګ په خپله لیکلي چې د افغانستان د اسلامي جمهوریت جمهوررئیس محمد اشرف غني نن له غرمې مخکې د افغانستان د سولې لپاره د امریکا متحدو ایالتونو د بهرنیو چارو وزارت ځانګړي استازي ډاکتر زلمي خلیلزاد سره په ارګ کې وکتل.

په دې کتنه کې دواړو لوریو د سولې بهیر د انکشافاتو او په ترکیه کې د جوړېدونکي کنفرانس لپاره د تیاریو په اړه بحث او خبرې وکړې.زلمی خلیلزاد په داسې مهال ښکاره سفر کوي، چې تیره اونۍ هم نوموړي کابل ته پټ سفر کړی ؤ او د سولې پروسې اړوند مسائلو په هکله یې د حکومت او سیاسي مشرانو سره خبرې کړې وې.نوموړي د سفر په ترڅ کې ډاکټرعبدالله سرههم کتلي.

img 20210410 140015

دا په داسې حال کې ده چې له تیرو اونیو راهیسې د قطر پلازمینه دوحه کې د افغان سولې لپاره د امریکا ځانګړی استازیي زلمی خلیلزاد په مشرۍ امریکايي پلاوی له طالب چارواکو سره د سولې بهیر او امریکایي عسکرو د ویستلو په هکله په خبرو بوخت وو.

باید یاده کړو چې ولسمشر غني دوه ورځې وړاندې ارګ کې یوې غونډې ته ویلي وو چې د وخت نه مښکې د سولې انتقالي حکومت ته تیار دی نوموړی همداراز ویلي چې باید د وخت نه مښکې انتخابات وشي هغه ویلي چې د حکومت ټیم به په دغه انتخاباتو کې برخه وانخلي.

د اسد قیصر سفر کابل ته

کابل ته د اسد قیصر سفر لغوه شو.افغانستان ته د پاکستان د پارلمان د مشر اسد قیصر سفر د امنیتي ستونزو له امله لغوه شوی دی.ټاکل شوې وه چې نن د پنجشنبې په ورځ د پاکستان د اسد قیصر په مشرۍ لوړ پوړی پاکستان پلاوی کابل ته راشي.

او نوموړی هلته له افغان چارواکو سره په دوه اړخیزو مسائلو خبرې کړي.یو شمېر د رسنیو استازي چې په همدې موخه د کابل نړیوال هوايي ډګر ته وربلل شوي وو، رسنیو ته ویلي داسې ښکاري چې د امنیتي ستونزو له کبله د کابل نړیوال هوايي ډګر له سهار اووه بجو راهیسې تړلی دی او ټولې الوتنې یې لغوه شوې دي.او له همدې امله د پاکستان الو تکې ته هم اجازه نده ورکړل شوې.

kam air at kabul airport in 2010 scaled 1

د افغانستان لپاره د پاکستان خاص استازي محمدصادق خان هم په یو ټویټ کې ویلي، چې د پاکستاني پارلمان ریس یا سپیکر اسد قیصر د سپرلۍ الوتکه د کابل هوايي ډګر کې د ښکته کېدو په حال کې وه، چې د هوايي ډګر څارنې برج لخوا ورته د هوايي ډګر د بندېدو خبر ورکړل شو.او الوتنه بیرته اوچته شوه.

همداراز ویلي چې د لیدنې د بلې نیټې په اړه به له دوه اړخیزو مشورو او پرېکړې وروسته خبره کیږي.ښاغلي صادق چې د همدې پلاوي برخه ؤ، تردې وړاندې رسنیو ته ویلي ؤ، چې په دې پلاوي‌ کې د پاکستان د پارلمان یو شمېر غړي‌ او چارواکي شامل دي.

د هغه‌ په ویناد پلاوي‌ غړي به له ولسمشر «اشرف غني» د بهرنیو چارو له وزیر حنیف اتمر د ولسي جرګې له مشر میر رحمان رحماني‌ او نورو افغان چارواکو سره لیدنې ولري.دوی به د افغانستان او پاکستان تر منځ اړیکې ښه کولو په برخه کې خبرې وکړي.

په کابل کې هم د حکومت له لوري د پاکستاني‌‌ پلاوي‌ راتګ ته چمتووالی نیول شوی او په لارو او واټونو کې د پاکستان بیرغونه لګول شوي وو.خو بد بختانه چې یو دم د امنیتي ستونزو له امله دغه سفر وځنډول شو.

چین هم د استانبول غونډې په اړه اتمر سره غږېدلی

چين هم افغانستان سره د ترکیې غونډې په اړه غږېدلی.د افغانستاند بهرنیو چارو وزیر محمد حنیف اتمر په کابل کې د چین له سفیرر وانګ یې سره لیدل کتل شوی دي او په بېلابېلو موضوعاتو یې نظرونه سره تبادله کړي دي.

د باندینیو چارو وزارت په یوه خپره شوې خبرپانه کې ویلي، چې په دې ملاقات کې د نورو برخو ترڅنګ د افغان سولې په اړه د ترکیې په استانبول کې د جوړېدونکې ناستې په هکله هم خبرې اتر شوې دي.خبرپانه زیاتوي، چې دواړو خواو د ترکیې غونډه د سولې او جګړې د برخلیک مالومولو لپاره مهمه بللې ده او هیله یې ښوولې چې د روان بد وضعیت د ختمولو لپاره به مثبته نتیجه ولري.

750x430 1

د چین سفیر ویلي چې افغان جګړه یوازې د خبرو له لارې حل مومي او دوی به په دې برخه کې له افغانانو سره خپلې بشپړې همکاري ته دوام ورکړي۔ سفیر په دې لیدنه کې ټینګار کړی، چې افغانستان سره به یې مرستې تر اوږدې مودې پورې وي او نه غواړي، چې له یاد هېواد سره خپلې اړیکې محدودې کړي.

نوموړي دغه راز ډاډ وړاندې کړی، چې له افغانستان سره به په امنیتي او اقتصادي برخو کې اوږد مهاله کومکونه وکړي او کوشش کوي، چې د دواړو هېوادون ترمنځ شته اړیکو ته نوره هم پراختیا ورکړي.
د سرچینې په خبره اتمر هم په دې ليدنه کې ویلي، چې د دواړو هېوادونو همکاري مهمه ده او چین کولای شي، چې د افغان سولې پروسه او همداشان په سیمه ییزه اجماع کې مهم رول ولوبوي.

نوموړي ویلي چې د افغانستان ثبات د ټولې سیمې لپاره مهم دی، ځکه خو باید د سولې په برخه کې د سیمې هېوادونه خپل رول ثابت کړي، تر څو افغان جګړه نور پای ته ورسېږي.افغان حکومت په دې وروستیو کې د افغان سولې په هکله د سیمه ییزې او نړیوالې اجماع د پیاوړې کېدو کوششونه پیل کړې، چې تر ډېره بریده یې پایلې ښه دي.

طاب مشران او اوربند

د خوشالی خبر! طالبان یوځل بیا اوربند ته چمتو دي. طالب مشرانو ومنله چې طالبان به د راتلونکي کوچني ‌اختر درې ورځې به اوربند او تر هغه وروسته به تر لوی اختره پوري مکمل اورکم وکړي.د دې نه وړاندې هم طالبانو د اوربند اعلانونه کړي وو.

د طالبانو سرچینو وویل چې دا پرېکړه به د تکرکیې په کانفرانس کې رسمآ اعلان کړي.د ترکیې کانفرانس چې د اپریل میاشتې په وروستیو کې را بلل شوی دی پر اجنډا یې له وړاندي له طالب مشرانو سره د امریکا؛ ترکیې؛ قطر او پاکستان چارواکو خبرې کړي دي.طالب سرچینې وايي چې تر دې دمه د ترکیې کانفرانس لپاره پر ۴ مهمو ټکو خبرې شوي چې وروسته به وضحه شي.

طالبان به اوربند او اورکم ته چمتوالی لری او په مقابل کې به یې افغان حکومت د طالبانو پاتې نور زندانیان ازادوي.د خپلمنځي خبروو دوام به په دوحه کې کېږي او د استنبول کانفرانس کې به افغان حکومت او طالبان یو بل ته ژمنې ورکوي او ځیني هیوادونه به د همدغو ژمنو ملاتړ او تعقیب کوي چې ښايي د ذمه واري هم واخلي.

دغه ډله وايي‌ امریکايي چارواکو په افغانستان کې د خپلو پوځیانو د پاتې کېدو د مودې د غځولو غوښتنه کړې ده؛ چې ښايي دروان کال تر سپټمبر پوري‌ یې نېټه وغځول شي.سرچینې وايي چې بره یادې شوې موضوعات به د ترکیې د غونډې په اعلامیه کې شاملې وي.او هملته به ېې اعلانونه هم وشي.

img 20210403 070348

طالب سرچینو وویل چې که څه هم د افغان لوري سره په دوحه کې مذاکراتي سلسله پرېشوې ده خو تر ډېره بریده امریکايي پوځي  چارواکي؛ د امریکا د مذاکراتو ډله؛ ملګري ‌ملتونه؛ ترکیه او ځیني نور هیوادونه له پاکستان او طالبانو سره دافغانستان پر سوله په خبرو بوخت دی.او غواړي دا موضوع یو طرف ته شي.

امنیتي هوکړه وشوه

تاجکستان افغانستان سره د امنیتی همکاری تړون لاسلیک کړ.تاجکستان او افغانستان په امنیتي سکتور کې د ګډو همکاریو تازه هوکړه لیک لاسلیک کړی. دغه هوکړه لیک نن د افغانستان د کورنیو چارو سرپرست وزیر حیات الله حیات له خپل تاجکستاني سیال سره لاسلیک کړه.

په دې غونډه کې ولسمشر غني او نورو لوړ پوړو چارواکو هم حضور درلود. کورنیو چارو وزیر حیات الله حیات وايي، چې دغه هوکړه‌ليک د افغانستان او تاجکستان تر منځ په امنیتي برخه کې د ژمنې تازه کول دي، څو دلته د قانون حاکمیت ټینګ شي، جرمي شبکې وځپل شي او خلک په غوره فزیکي او رواني امنیت کې ژوند وکړي.ښاغلي حیات په خپله فیسبوک پاڼه لیکلي دي چې د دې هوکړه‌ليک په اساس به دواړه مملکتونه په ملي او نړۍوالو دواړو کچو په ګډه کار وکړي او د سټراټیژیکو همکاریو په چوکاټ کې به د ګډ امنیت پروګرام طرحه او پلي کړي.

20210330 142306

نوموړي هیله ښوولې چې د امنيت په ټينګښت او د عامه نظم او امن په تامين کې به یاد هوکړه لیک ګټور تمام شي او په کور دننه به امنیتي وضعیت یو څه ښه طرف ته واوړي.افغانستان او تاجکستان تر دې وړاندې هم د امنیتي همکاریو په ځانګړي ډوله د پولو د ساتلو په برخه کې هوکړه لیکونه امضا کړي وو، چې تر ډېره یې ښه نتیجه درلوده.

خو افغانستان او تاجکستان داسې وخت د امنیتي همکاریو تازه هوکړه لاسلیکوي، چې ټاکل شوې ده، د راتلونکې میاشتې په سر کې ترکیه کې د سولې اړوند مهمه غونډه جوړه شي او د جګړې د برخلیک په اړه جدي پرېکړې وشي.د یادې غونډې مهمه اجنډا به د اینده نظام وي.

دلته بیا په هېواد کې ورځ تر بلې امنیتي وضعیت خرابېږي او جګړه ان تر ښارونو پورې رسېدلې ده، چې خلک یې سخت اندېښمن کړي دي او د بېړني اوربند غوښتنه کوي، هغه څه چې طالبان ترې انکار کوي او هیڅکله یې دا غوښتنه نه ده منلې.خو ویل کیږي که چرته په اینده نظام باندې خبره وشي نو ښایي اوربند پکې هم ومنل شي.

تاجکستان ته لړ

ولسمشر غني تاجکستان ته لاړ.دافغانستان جمهور ریس محمد اشرف غني نن د یوه لوړ پوړي پلاوي په ملتیا تاجکستان هېواد ته لاړ تر څو هلته د اسیا زړه نهم کنفرانس کې ګډون وکړي او پر یو لړ مهمو مسایلو لکه افغان سوله او نور تجارتي موضوعاتو بحث وکړي.

ولسمشری ماڼړی په خپله یوه اعلامیه کې ویلي چې ولسمشر غني نن سهار د یوه لوړ پوړي دولتي پلاوي په مشري د اسیا زړه استانبول پروسې کنفرانس ګډون په موخه کابل د دوشنبې په تکل پرېښود  هغه به په دې کنفرانس کې د وینا ترڅنګ د تاجکستان ولسمشر امام علي رحمان، لومړي وزیر او د هغه هیواد د پارلمان مشر سره په کتنو کې په مختلفو برخو کې د دواړو هیوادونو ترمابین د مناسباتو او همکاریو پر پراختیا په اړه خبرې وکړي.

img 20210329 124436 802

د اسیا زړه استانبول پروسې کنفرانس چې دوه ورځې به دوام وکړي د تاجکستان او افغانستان جمهور ریسان او د غړو مملکتونو د بهرنیو چارو وزیران هم پکښې برخه واخلي.د یاې ناستې اصلي اجنډا په اړه ویل شوي چې نن به د کار پوهانو غونډه ترسره سي او اصلي غونډه سبا ده چې افغان او تاجک ولسمشران به يې هم ګډونوال وي جوړه شي

ورته مهال د افغانستان د بهرنیو چارو وزارت هم د دې غونډې په هکله مالومات شریک کړي او ویلي یې دي چې دې غونډه کې د افغان حکومت اجنډا د افغان سولې لپاره د سیمه ییزې اجماع پیاوړي کول دي، دوی ویلي کوښښ به وشي چې په دې غونډه پر دې موخه او د نورو هېوادونو پر اقتصادي او امنیتي چارو بحثونه هم وشي.

یاده غونده کې د۵۰ هېوادونو او یو شمېر نړوالو سازمانونوړ استازي او د ۱۷ هېوادونو د بهرنیو چارو وزیران ګډون کوي چې پر مهمو امنیتي او اقتصادي مسایلو بحثونه کوي.جزیات وايي د دې کنفرانس اصلي هدف په سیمه کې همکاري او بارو جوړول دي ځکه اوس يه سیمه ییزه کچه هېوادونه له ترهګرۍ او مخدره توکو قاچاق سره مخ دي۔او د سیمي هیوادونه غواړي دا مشکلات هم په دې غونډه کې زیات مطرح شي.

باید ژر افغانستان پرېنږدي

امریکایي استخبارات: د افغانستان څخه د ځواکونو ژر ویستل به ستونزې رامنځته کړي.داسې وخت چې د طالبانو او امریکا تر منځ د لاسلیک شوې توافقنامې‌ پر بنیاد‌ ټول بهرني‌ ځواکونه باید د می میاشتې تر پیلېدو له افغانستانه ووځي.

د امریکايي استخباراتو مرکزي ادارې د امریکا جمهور ریس بایډن ته په سپارلي راپور کې ویلي، چې که امریکایي‌ او ناټو عسکر له افغانستانه راووځي،‌ د طالبانو د واک ساحه به پراخه شي‌ او حکومت به ګڼې سیمې له لاسه ورکړي.او طالبان به وتوانیږي چې دغه ساحې په اسانی سره ونیسي د رويټرز خبري‌ اژانس په حواله،‌ په دې راپور کې راغلي چې که ناټو او امریکایي عسکر د حکومت او طالبانو تر منځ د واک د ویشلو له معاملې وړاندې له افغانستانه راووځي‌طالبان به واکمن شي.

راپور کې زیاته شوې طالبان به په دوو یا دریو کلونو کې د افغانستان زیاته برخه تر واک لاندې راولي‌ او د افغانستان د چارو کنټرول به په لاس کې واخلي.ورته وخت یوه بل امریکايي چارواکي سرچینې ته ویلي، چې د بهرنیو ځواکونو د وتلو په صورت کې به په افغانستان کې داعش او القاعده ډلې نفوذ وکړي او هلته به پښې تم کړي.

img 20210327 110715

ارګ که څه هم ددې راپور په اړه له څه ویلو ډډه کړې،‌ خو د امریکایي‌ استخباراتو اندېښنه داسې مهال ده، چې د طالبانو او امریکا تر منځ په دوحه کې د لاسلیک شوي‌ تړون له مخې په افغانستان کې د بهرنیو ځواکونو د شتون موده تر دوو میاشتو کمه پاتې ده.

ددې تړون په اساس،‌ ټول بهرني‌ عسکر باید د می میاشتې تر پیلېدو افغانستان پرېږدي؛ خو د امریکا ولسمشر وايي، د‌ځینو تخنیکي ستونزو له امله به په یاده شوې نېټه د ټولو عسکرو ایستل ستونزمن وي،‌ خو هغوی به په افغانستان کې د اوږدې مودې لپاره پاتې نه شي.