سراج حقاني هرات ولایت ته په سفر کې ویلي چې د نجونو زدهکړو د اختلافي مسئلې په اړه معقول حل ګوري
د هرات د خصوصي سکټور ځينې استازي وایي، چې د نجونو پر مخ د ښوونځیو او پوهنتونونو بند پاتې کېدل، له دې ولایته د پانګې د تېښتې لامل ګرځېدلي دي.
د کورنیو چارو وزارت سرپرست سراج الدین حقاني په هرات ولایت کې په یوې غونډه کې ویلي هڅه کېږي چې د نجونو پر مخ د ښوونځیو او پوهنتونونو د پرانیستو لپاره مناسبه حل لاره رامنځته شي.
دا ناسته هرات ولایت کې له مخورو سره شوې ده
ښاغلي حقاني په هغه لیدنه کې چې له دیني عالمانو، قومي مخورو او د خصوصي سکټور له استازو سره لرله زیاته کړې د دې سربېره چې خصوصي برخه په وروستیو دوو کلونو کې له ننګونو سره مخ وه؛ خو بیا هم د اقتصادي وضعیت د ښهوالي په برخه کې مهم رول لرلی دی.
سراج الدین په دغې غونډه کې وویل:«د دغې موضوع د حل لپاره په یوې معقولې حل لارې کار کېږي. یوه ستره ستونزه دا ده کله چې یوه مسئله اختلافي شي، نو د دې لپاره چې دغه اختلاف لوی نه شي، لږ وخت ته اړتیا ده.
ورته مهال د هرات د خصوصي سکټور ځينې استازي وایي، چې د نجونو پر مخ د ښوونځیو او پوهنتونونو بند پاتې کېدل، له دې ولایته د پانګې د تېښتې لامل ګرځېدلي دي.
نور ولولئ: نجونو ته د زده کړو د زمینې پر برابرولو د ملګرو ملتونو سازمان ټینګار وکړ
د دوی په خبره، ډېری کورنۍ د خپلو اولادونو د زدهکړو او تحصیل په موخه ګاونډیو هېوادونو ته کډه کېږي.
له شرعي اصولو سره سم د ښوونځیو پرانیستل
د هرات د صنایعو او کانونو خونې مرستیال توریالی غوثي طلوعنیوز ته وايي:«په هغه شرایطو چې دولت په خپله پرېکړه کوي، له هماغه اسلامي شرایطو سره ښوونځي او پوهنتونونه پرانیستل شي چې پانګه له هېواده ونهتښتي.»
د هرات د سوداګرۍ او پانګونې خونې مرستیال عبدالله دشتي هم څرګندوي:«باید پر موږ روحي فشارونه را نهوړل شي. د ښار په څنډو کې زموږ ځوانان په څپېړه ونهوهل شي. مېرمنې چې په دولتي ادارو کې د ملګرو تر فشار لاندې باید رانه شي.»
نور ولولئ: ګوټرېش: اسلامي امارت دې ژر تر ژره د نجونو پر زده کړو محدودیت لرې کړي
د خصوصي سکټور استازو په دې لیدنه کې د کورنیو چارو وزارت له سرپرست د لا ښه امنیت د ټینګښت او د خصوصي سکټور لپاره د لا زیاتو آسانتیاوو د برابرولو غوښتنه وکړه.
سراج الدین حقاني د خصوصي سکټور ستونزو ته د رسېدو ډاډ ورکړ. په دې هکله یې وویل:«ستاسو ستونزې مو واورېدې. هغه ستونزې چې زما اړوند دي. هغې ته به فوقالعاده پاملرنه وکړم.»
