سعودي عربستان د کرونا له امله بیا ځلې هم بهرني اتباعو ته د حج اجازه نه ورکوي
![او حج او عمره](https://afghannow.net/wp-content/uploads/2021/06/کروناوبا-او-حج-او-عمره-.png)
سعودي عربستان د کرونا له امله بیا ځلې هم بهرني اتباعو ته د حج اجازه نه ورکوي. د سعودي حج او عمرې وزارت اعلان کړی چې کرونا وبا په پام کې نېولو سره د روان کال حج مراسمو ترسره کولو لپاره به یوازې ۶۰ زره د سعودي دننه اتباعو ته مشروطه اجازه ورکړل شي.
یاد وزارت په نشر کړي بیان کې ویلي هغه کسان چې د سعودي دننه وي، له دایمي ناروغیو څخه پاک وي، د کرونا ضد واکسین یې لګولي وي او د ۱۸ او ۶۵ کلونو ترمنځ وي، کولی شي سږکال حج ادا کړي.دا پرلپسې دوهم ځل شو چې بهرني اتباع د سپیڅلې فریضې له ادا کولو محرومیږي تېر کال هم سعودي په بهرني اتباعو د حج بندیز لګولی و.
![fb img 1623555780960](https://afghannow.net/wp-content/uploads/2021/06/fb-img-1623555780960.jpg)
د سعودي د حج او عمرې وزارت دغه پریکړه د انساني روح په خوندي کولو کې د اسلامي شریعت د اهدافو» سره سمه وګڼله، دوی په ګوته کړه چې احتیاطي تدابیر نېولو ته به تر وروستۍ اندازې پاملرنه کیږي.د یاد وزارت اعلامیه ټینګار کوي چې د حج او عمرې مراسمو ترسره کوونکو لپاره د ټولو لازمو اسانتیاو چمتو کولو ته لیواله دي،
موږ په تېرو لسو کلونو کې له ۱۵۰ ملیونو زیاتو کسانو ته بشپړ خدمات وړاندې کړي دي.د سعودي د حج او عمرې سرپرست وزیر عبد الفتاح بن سلیمان مشاط وویل، «انساني غونډې د کرونا وبا په خپرېدو کې مرسته کوي، او د حاجیانو دغه شمېره د دوی د خوندیتوب لپاره ټاکل شوې ده».
باید وویل شي چې د سعودي حکومت پروسه کال هم د کوویډ-۱۹ ناروغۍ له کبله د حج او عمرې مراسم تر ۱۰ زرو کسانو محدود کړي وو کوم چې د سعودي دننه وي.او بهرنیو هیوادونو څخه د حج کولو اجازه چا ته هم نه وه.دا لا هم معلومه ندخږه چې د کرونا وبا کله ختمیږي او کله به بهرنیانو ته د حح کولو اجازه ورکول کیږي.