د سمنګان مسوولین وایي، د یاد ولایت په «حضرت سلطان» ولسوالۍ کې د ترافیکي پېښې له امله دوه کسان مړه او یو بل ټپي شوی دی.
د دغه ولایت د امنیې قوماندانۍ مسوولینو ویلي چې دا پېښه پرون (چهارشنبې، چنګاښ ۱۱مه) په یک توتی سیمه کې د فیلډر موټر د چپهکېدو په پایله کې رامنځته شوې ده.
د سمنګان مسوولینو د دې پېښې لامل د چلوونکي بېاحتیاطي بللې ده.
له تېرو نږدې څلورو کلونو راهیسې په هېواد کې ترافیکي پېښې په کمسارې توګه زیاتې شوې چې ستر لاملونه یې د چلوونکو بېاحتیاطي، خراب سړکونه ګړندی تګ او د ترافیکي اصولو نهمراعاتول بلل کېږي.
د ویلو ده چې په هېواد کې د ترافیکي پېښو له امله د نارینهوو په ګډون وخت ناوخت ښځو او ماشومانو ته هم مرګژوبله اوړي.
بلخوا د سرپرست حکومت مسوولینو بار بار له چلوونکو غوښتي چې د هر ډول سفر پرمهال احتیاط وکړي او د مسافرو ژوند وژغوري.
څه موده وړاندې د ترانسپورت او ملکي هوايي چلند وزارت د ترافیکي پېښو د مخنیوي په موخه په مسافر وړونکو موټرو کې د ۸ زره «جي پي اېس» آلو د نصب خبر هم ورکړی و.
