راپورونه وايي، شمالي وزیرستان کې وسلهوالو د نجونو ښوونځی په بمونو الوځولی دی
له راپورونو داسې ښکاري چې په لره پښتونخوا د زده کړو پرضد خوځښتونه پیل شوې او وخت نا وخت پر ښوونځیو د برید راپورونه ورکول کېږي.
خو زیات ددې کار زیاتړه پړه د پاکستان پوځ او استخباراتي ادارې ته راجع کېږي.
الوځول شوی ښوونځی د پوځ تر واک لاندې سیمه کې
سیمهییزو سرچېنو افغانستان انټرنشنل پښتو ته وویل، دغه ښوونځی د شمالي وزیرستان میرانشاه په دتهخيلو کې تېره شپه وسلهوالو په بمونو الوځولی او نړولی یې دی.
ويل کیږي، دغه ښوونځی د پاکستاني پوځ تر واک لاندې سیمه کې دی.
باوري سرچینو افغانستان انټرنشنل پښتو ته نن دوشنبه (زمري لومړۍ نېټه) وويل چې وسله والو هغه ښوونځی په بمونو الوځولی چې د پاکستاني پوځ تر بشړ واک لاندې و، خو د پاکستان حکومت لا په دې اړه څه نه دي ويلي.
نور ولولئ:د طالبانو پر استخباراتو د بښنې نړیوال سازمان غږ؛ احمد فهیم عظیمي او صدیق الله افغان خوشي کړئ
نور ولولئ: طالبانو سیاسي شنونکی او د پوهنتون استاد نجیب الله جامع نیولی
کارپوهان وايي، د پښتنو په سیمو او افغانستان کې د استخباراتي کړۍ هڅه کوي چې د اسلامي شریعت تر نوم لاندې د نجونو د زده کړو مخنیوی وکړي.
د روان کال غوايي میاشتې نمايي کې هم په شمالي وزیرستان کې د نجونو یو ښوونځی د وسلهوالو لهخوا په بمونو الوځول شوی و.
د پښتنو په سیمو کې د ښوونځیو الوځول
په خیبر پښتونخوا کې د نجونو د ښوونځيو پر وړاندې تاوتریخوالی تر دې وړاندې هم مخینه لري، په ۲۰۰۸ او ۲۰۰۹ کلونو کې په ملاکنډ او د خیبرپښتونخوا په نورو سیمو او دره ادم خېل کې هم ښوونځي په بمونو الوځول شوي وو.
له سیمې څخه خپلواک خبریال لال وزیر افغانستان انټرنشنل پښتو وويل چې په وزیرستان د نجونو ښوونځي ټول د پوځ تر ولکې لاندې دي خو بیا هم د وسله والو له لوري په بمونو الوځول کیږي.
ښاغلی وزیر وايي، چې د دغه ښوونځي په شاوخوا کې عادي کسان لا په اسانه او ازاد ډول نه شوای ګرځیدلی.
هغه وايي، په دغو سیمو کې د ټي ټي پي وسلهوال فعال دي خو بیا هم د دغه ښوونځي د الوځولو په اړه کومې ډلې نظر نه دی څرګند کړی، چې د هغه په ټکو دغه کار د سیمې له خلکو سره اندېښنې زیاتې کړې دي.
د افغانستان اوسنیو واکمنو طالبانو هم په افغانستان کې پر پوهنتونونو او ښوونځیو بریدونه کول تر څو نجونې له زده کړو راوګرځوي.
په ورته وخت کې د دوی پر مخ تېزاب ښېندلي دي.
