متحده عربي امارات: موږ به د افغانستان د ټرانسپورټ له خصوصي سکټور پراخیتیا کې مرسته وکړو
اړوند خبرونه:
UNHRC د بشري حقونو په برخه کې د متحده عربي اماراتو موقف وستایه
د متحده عربي اماراتو خواخوږي؛ له زلزله ځپلو سره یې بېړنۍ مرسته وکړه
متحده عربي اماراتو کې له افغان مشرانو او سوداګرو سره د ټوماس وېسټ لیده کاته
د ترانسپورت او هوایي چلند وزارت اعلان کړی، چې د افغانستان لپاره د متحده عربي اماراتو د ځانګړي استازي او د وزارت د سرپرست مشر ترمنځ د وروستۍ ناستې پر مهال، د پانګې جذب او د افغانستان له خصوصي ترانسپورت سکتور سره پراخې همکارۍ ته ځانګړي پاملرنه وکړي.
د ترانسپورت او هوایي چلند وزارت مطبوعاتي دفتر (سهشنبه، د می ۶مه) اعلان وکړ، چې مولوي حمیدالله اخندزاده، د وزارت سرپرست مشر، د متحده عربي اماراتو د افغانستان لپاره له ځانګړي استازي، سیف محمد الکوتبي سره لیدنه کړې ده.
په دې لیدنه کې دواړو خواوو د ترانسپورت او هوایي چلند په برخه کې د خصوصي سکتور پانګونې او د دې برخې لپاره د پانګې جذب په اړه تفصيلي خبرې کړې. د متحده عربي اماراتو ځانګړي استازي ټینګار کړی چې هېواد یې له افغان خصوصي سکتور سره پراخو همکاریو ته بشپړ چمتووالی لري.
د مطبوعاتي خبرپاڼې له مخې، د ترانسپورت او هوایي چلند وزارت هم ژمنه کړې چې همکارۍ پراخې کړي، د پانګوالو لپاره تر پخوا غوره چاپېریال رامنځته کړي، او دا لیدنه یې ګټوره او اغېزمنه ارزولې ده.
