ملي تدارکاتو کمېسیون کې لسګونه سترې پروژې منظور شوې
![ملی تدارکاتو پروژې منظور کړې](https://afghannow.net/wp-content/uploads/2021/05/غني-ملی-تدارکاتو-پروژې-منظور-کړې-.png)
ملي تدارکاتو کمېسیون کې لسګونه سترو پروژو باندې بحث وشو.د ملي تدارکاتو کمېسیون غونډه د جمهور رئیس محمد اشرف غني په مشرۍ پرون له غرمې مخکې په ارګ کې ترسره شوه. غونډې د بېلابېلو ادارو اړوند په ۱۸۰ تدارکاتي موضوعګانو بحث وکړ.
د کمېسیون غونډې د ټولګټو وزارت لخوا د هېواد بېلابېلو برخو کې د سړکونو د جوړولو تړونونو د منظوري وړاندیزونو په اړه اړینې لارښوونې وکړې.د ملي تدارکاتو کمېسیون غونډې د ګردیز ښار د حلقوي سړک د پروژې د تړون منظوري، د افغانستان بانک اړوند د افغانیو نویو بانکنوټونو د چاپ، د کابل ارغندي څخه جلال اباد پورې د ۲۲۰ کیلو ولټ مزو د ډیزاین، برابرولو، نصبولو او لېږدولو.
همداراز د تورخم د پل او کانکرېټي سړک د جوړولو، د احصائیې او معلوماتو ملي ادارې د اړتیا وړ د برېښنايي تذکرو د وېش مرکزونو لپاره د ۴۴۱ پایه لپټاپ کمپیوټرونو د برابرولو او تدارک، د هېواد نهو پوهنتونونو لپاره د انټرنټ او د مالیې وزارت اړوند مرکز او ولایتونو کې د تاسیساتو د فزیکي امنیت د تامین پروژې له بحث وروسته منظور کړې.
![fb img 1621834353998](https://afghannow.net/wp-content/uploads/2021/05/fb-img-1621834353998.jpg)
پر یادو پروژو د بحث پر مهال جمهور رئیس محمد اشرف غني یو ځل بیا ټینګار وکړ چې تدارکاتي ادارې دې د پروژو د تطبیق ټینګه څارنه او مدیریت وکړي او تدارکاتي ادارو ته ېې د کورنیو تولیدونکو شرکتونو د ملاتړ په اړه اړینې لارښوونې وکړې
د یادولو وړ ده چې دېری پروژې د ډېر وخت راهیسې د بحث لاندې وې خو اوسمهال د ډېر وخت نه وروسته منظوری ته وړاندې شوې.ولسمشر غني وویل اوس وخت رارسېدلی دی چې ارګ کې شوې وعدې په ارګ کې پوره شي.