په کندهار کې د نړيوال بانک او د ملګرو ملتونو د پروژې د خدمتونو د دفتر د مديريت له خوا د ١٣٠ زره امريکايي ډالرو په لګښت د دوو پروژو کار پيل شو
د کندهار ولایت چارواکي وايي، د اسلامي امارت له واکمنۍ وروسته نړیوال بانک په دغه ولایت کې د ۸ میلیونو ډالرو په ارزښت د ۲۶ پروژو کارونه ځنډولي دي
نور یی ولوله | امیري په دوحه کې د افغان ښځو د کارموندنې او تعلیم په اړه خبرې وکړې
نور یی ولوله | څنګه په ځوانۍ کې بریالي شو
د کندهار ښاروال نعمت الله حسن وويل: موږ د دې پروژو هرکلى کوو، دا زموږ د هېواد د پرمختګ لپاره ښه ده او خلک کولى شي په کار وي
د کندهار ښاروالۍ د سکتوري او تخنيکي خدمتونو رئيس احمد جاوېد ميوند وويل: «د کندهار په بېلابېلو سيمو کي د نړيوال بانک ۲۶ پروژې نيمايي پاته دي
د چارواکو په وینا په دغو پروژو کې دوه سوه کسانو ته د کار زمینه برابره شوې ده
په همدې حال کې د کندهار يو شمېر اوسېدونکو په دغه ولايت کې د نورو نيمه پايلو پروژو د پيلېدو غوښتنه وکړه، څو خلکو ته د کار زمينه برابره شي
د کندهار اوسېدونکي جمعه ګل وويل: موږ د زياتو پروژو غوښتنه کوو، څو خلکو ته د کار زمينه برابره شي
د کندهار اوسېدونکي فضل محمد وويل: دا ډول پروژې بايد وي، څو خلک کار وکړي او په بدو عادتونو اخته نه شي
د کندهار یوه اوسېدونکي محمد وویل: موږ پر حکومت غږ کوو چې نورې پروژې هم پیل کړي او موږ خوښ یو چې دغو پروژو د کار زمینه برابره کړې ده
د کندهار ښاروالۍ مسوولین وايي، له مرستندویه موسسو سره یې هڅې روانې دي، څو ځوانانو ته د کار زمینه برابره کړي
