ولسمشرغني:دولت اوسياسي څېرې سولې ته ژمن دي

ځړول شوی:جون 11, 2020 لخوا ځړول شوی:Mujeeb Rahman تبصرې:0

د افغانستان ریس جمهور اشرف غني وايي، چې افغان دولت او سياسيون په افغانستان کې د جګړې پاى ته رسېدو لپاره په یو اتفاق دي.هغه زیاته کړه چې ټول سیاسیون د سولې د تامین لپاره سره یو لاس او یو خله شي ترڅود سولې په راوستلو کې نور هم سرعت راشي.

د ولسمشرۍ مانړۍ څخه په خپره شوې خبرپاڼه کې زکر شوي چې د ولسمشرغني نن د افغانستان سولې لپاره د امريکا د بهرنيو چارو وزارت ځانګړي استازي خليلزاد سره ناسته وکړه ، په دغه ناسته کې د ملي مصالحې عالي شورا مشر عبدالله عبدالله او پخواني ولسمشر حامد کرزي هم ګډون درلود. دغه ليدنهپرون  مازديګر په ارګ کې شوې ده، چې د سولې پروسې د راتلونکو اقداماتو په اړه بحث او خبرې اترې پکې کړي دي.

خليلزاد چې له دې وړاندې ېې د پاکستان لوى درستيز قمر جاوېد باجوه او په قطر کې د طالبانو د سياسي دفتر مشر ملا برادر سره ېې ملاقات کړې وو ، جزييات يې له ولسمشر غني سره شريک کړل او وې ويل، چې د امريکا هڅه دا ده چې له رامنځته شوي فرصت څخه په استفادې په افغانستان کې پايداره سوله ټينګه شي.

ولسمشرۍ ماڼړۍ ، چې دواړو اړخونو د مخامخ مذاکراتو د پیل لپاره د اورکم یا نااعلان شوي اوربند پر دوام ټینګار وکړ او ډاکتر خلیلزاد وویل، د سیمې هیوادونه، نړیواله ټولنه او بین المللي سازمانونه تیار دي چې د سولې د ټینګښت لپاره د افغانستان د هڅو ملاتړ وکړي. زلمي خلیلزاد وویل، ما د امریکا متحدو ایالتونو پیغام راوړی دی چې د سولې لپاره د طالب بندیانو خوشې کولو بهیر کې د افغانستان حکومت د زړورو او سختو ترسره شویو اقداماتو مننه وکړم.

جمهور ریس غني وویل ، د افغانستان حکومت او سیاست مداران  سیاسي اجماع لري او په یوه غږ یې د جمهوریت دفاع کړې او په افغانستان کې د جګړې پایته رسېدو او د پایداره او باعزته سولې تامین ته ژمن دي. هغه زياته کړه، دا چې نړیواله ټولنه، بین المللي سازمانونه او دوست مملکتونه د افغانستان د سولې پروسې ملاتړ کوي، او مننه ېې کوو.

ولسمشر غني په ټینګار وویل، په افغانستان کې سوله او امنیت د سیمې د سولې او اقتصادي انکشاف لامل هم کېږي.

د یادونې وړ ده چې جمهور ریس غني د دې وړاندې هم په سیاسي اجماع ټینګار کړۍ وو او ویلي وو چې راروان وخت کې هم باید سیاسیون سره یوځاۍ شي او د سولې لپاره کاروکړي ترڅو افغانستان کې دایمه سوله راشي او افغانان په افغانستان کې د ازاد ژوند خاوندان شي.

په همدې لړ کې دعبدالله عبدالله او اشرف غني یو سیاسي توافق وکړ د دغې توافق له مخې به عبدالله عبدالله ته ۵۰ ٪ حکومت کې ونډه ورکول کيږي او عبدالله عبدالله به د سولې شورا مشري کوي نوموړي به ملک کې دننه او بهر د سيمې ملکونو کې سیاسي اجماع رامنځته کوي د دې نه علاوه به د سولې شورا ته داسې څېرې راغونډ کړي چي تاسیرګزارهاو ملي شخصیتونه وي.

ځواب دلته پرېږدئ

ستاسو برېښناليک به نه خپريږي.

زموږ په خبر پاڼه کې ګډون وکړئ
وروستي مقالې، دندې، وړیا، تفریحي خبرونه په مستقیم ډول ستاسو ان باکس ته وړاندې کړئ.
170000 پیرودونکي دلته دي.