پاکستان افغانستان سره د کويډ١٩ ناروغی لپاره د توکو مرسته وکړه.د پاکستان حکومت د کووید-۱۹ ناروغۍ اړوند په ۷ کانتینرو سمبال توکي او ګڼ شمېر وسایط د کرونا وبا مخنیوي لپاره د سه شنبې په ورځ افغانستان ته وسپارل.
د سپارلو مراسم چې په تورخم کې ترسره شوي د افغانستان او پاکستان د روغتیا ګډو چارواکو په کې برخه اخیستې وه.په مرسته شوي توکو او وسایطو کې د کرونا ناروغۍ اړوند درملونه، د اکسیجن ډبې، وینټیلیټرونه او داسې نور لوازم شامل دي، چې د پاکستان او افغانستان ترمنځ ګډ سوداګریز تړون ته وسپارل شول.دا توکي به د کرونا مخنیوي په خاطر وکارول شي.
افغان روغتیایي چارواکو په دې اړه ناستې غونډې ته وویل، افغانستان کې د ویروس دلتا بڼه خپره شوې چې د نورو په پرتله ۶۰ سلنه چټکه خپریږي، په دې اړه اوسمهال افغانان اکسیجن او نورو تجهیزاتو ته ډيره اړتیا لري.اوباید په همدې برخه کې ورسره کومکونه وشي تر څو د دې ژر تر ژره مخنیوی وشي.
د پاکستان د ګمرکونو عمومي مشر اصف محمود چې د ناستې په مراسمو کې ځانګړی میلمه و وویل، د دواړو هېوادونو ترمنځ سوداګریز تړون د کرونا وبا له کبله ډیر زیان لیدلی، خو څرنګه چې وضعیت نورمال شي د دواړو لوریو په همکارۍ سره به د سوداګرۍ فعالیتونه وده ومومي.
د یادونې وړ ده چې په افغانستان کې تېره ورځ ۱۵۵۶ د کووید-۱۹ ناروغۍ مثبتې پېښې ثبت شوي، په داسې حال کې چې ۵۵ کسانو خپل ژوند له لاسه ورکړی او ۹۳۲ بېرته روغ شوي دي.په ورته وخت کې پاکستان کې ۱۵۱۷ کسان په کرونا اخته شوي او ۱۷ ناروغان مړه شوي دي.
