پر خوست، کنړ او پکتیکا د وروستیو هوايي بریدونو په اړه پاکستان ته د حامد کرزي غبرګون خورا سخت و. پخواني ولسمشر دا بریدونه د نړیوالو اصولو خلاف بللي او له پاکستانه یې د ښه ګاونډیتوب غوښتنه کړې ده.
د افغانستان پر خاوره د پاکستاني الوتکو لخوا د وروستیو بمباردونو په لړ کې، چې پکې ملکي وګړو ته مرګ ژوبله اوښتې، د هېواد د پخواني ولسمشر حامد کرزي په ګډون ګڼو سیاسي مشرانو سخت غبرګونونه ښودلي دي. د خوست، کنړ او پکتیکا پر ولایتونو شوي دا بریدونه په پراخه کچه وغندل شول.
اړوند مطلب:
خلیلزاد: پر خوست، پکتیکا او کونړ د پاکستان بریدونه غندو
د خوست او کنړ د پیښې په اړه پاکستان ته د حامد کرزي غبرګون
د افغانستان پخواني ولسمشر حامد کرزي د يوې اعلامیې په خپرولو سره د پاکستان د پوځ هغه هوايي بریدونه په کلکه غندلي چې په خوست، کنړ او پکتیکا ولایتونو کې یې ترسره کړي دي. د راپورونو له مخې په دغو بریدونو کې ښځې او ماشومان وژل شوي دي.
د ملکي وګړو تر وژل کیدو وروسته پاکستان ته د حامد کرزي غبرګون خورا توند و؛ هغه د پاکستان دا عمل د ټولو منل شویو نړیوالو اصولو خلاف او د بشري حقونو څخه سرغړونه ګڼلې ده. ښاغلي کرزي په خپل پیغام کې له پاکستانه غوښتي چې له افغانستان سره پر نړیوالو اصولو او د ښه ګاونډیتوب پر بنسټ خپلې اړیکې عیارې کړي. هغه پاکستاني چارواکو ته مشوره ورکړې چې عاقبت اندیشي وکړي او د تخریبي او دښمنانه پالیسیو له تکرارولو دې ډډه وکړي.
د نورو سیاستوالو دریځونه او پاکستان ته د حامد کرزي غبرګون
یوازې حامد کرزی نه دی چې پر دغو بریدونو یې خواشیني ښودلې ده، بلکې د دې ترڅنګ چې پاکستان ته د حامد کرزي غبرګون رسنیز شو، نورو مطرحو څیرو هم غږ پورته کړی دی.
په اسلام اباد کې د طالبانو د واکمنۍ پر مهال پخواني سفیر، ملا عبدالسلام ضعیف د تیرې شپې د بریدونو په غبرګون کې د پاکستان دا کړنه یو “فساد او بزدلانه عمل” بللی دی. ضعیف زیاته کړې چې دا ډول کړنې ښيي چې پاکستان نه د سولې لپاره لیوالتیا لري او نه هم د سولې وړتیا لري.
بل لور ته د افغان سولې لپاره د امریکا پخواني ځانګړي استازي زلمي خلیلزاد هم ویلي، چې د پاکستان دا ډول کړنې د کابل او اسلام اباد ترمنځ شته کړکیچ نشي هوارولی.
د اوښتې مرګ ژوبلې ارقام:
د راپورونو له مخې پاکستان تېره شپه پر کونړ، خوست او پکتیکا هوايي بریدونه کړي چې له امله یې ۱۴ کسانو ته مرګ ژوبله اوښتې ده. د طالبانو ویاند تایید کړې چې یوازې په خوست ولایت کې د ښځو او ماشومانو په ګډون ۱۰ تنه وژل شوي دي.
