ډاکټر حامد شینواری: ډېر ژر به لوبغاړي خپلو کورنیو سره یوځای شي په کابل هوایي ډګر کې د وروستیو چاودونو وروسته په انګلستان کې لوبیدوونکي افغان لوبغاړي هم د خپلو کورنیو په اړه انديښمن شوي دي،
خو د افغانستان کرکټ بورډ اجرایوي مشر حامد شینواري له اې این ای سره په خبرو کې ویلي،چې څنګه هوايي ملکي الوتنې پیل شي،افغان لوبغاړي به وکولای شي چې له خپلو کورنیو سره یو ځای شي.د رژیم د بدلیدو سره هر یو کس انديښمن و.خو اوس حالت په ښه کیدو دي،چې څنګه عادي پراوزونه پرانیستل شي،
انګلستان کې لوبیدونکي لوبغاړي به هم ډير ژر له خپلو کورنیو سره یو ځای شي.حامد شینورای زیاتوي،بهر کې لوبیدوونکي لوبغاړي که چیرې خپلو کورنیو لیدو لپاره افغانستان ته راشي،کومه ستونزه نشته.
که څه هم حامد شینواري دا ښکاره نه کړه چې ملي لوبغاړي افغانستان ته د خپلو کورنیو لپاره راځي او که یې کورنۍ له افغانستان څخه بهر ځي.
خو داسې ښکاري چې په افغانستان کې د وروستیو تحولاتو وروسته د افغانستان کرکټ ملي لوبډلې ځینې مشهور لوبغاړي غواړي چې خپلې کورنۍ له افغانستان څخه وباسي.
