کابل ښار کې د جویشیر–پل ارتل سړک د جوړولو چارې ۸۰ سلنه بشپړې شوې او د څراغونو د ستنو نصبولو بهیر هم پیل شوی دی.
د دې د جویشیر–پل ارتل سړک پروژه
کابل ښاروالۍ ویلي چې د دویمې ناحیې اړوند د جویشیر–پل ارتل سړک د جوړولو او پراختیا چارې تر ۸۰ سلنې بشپړې شوې دي.
د پروژې له پرمختګ سره هممهاله، د سړک پر اوږدوالي د ۲۳ څراغونو د ستنو د مونتاژ او نصبولو چارې هم پیل شوې دي.
د سړک مهمې ځانګړتیاوې
د دې سړک اوږدوالی ۸۶۰ متره او سور یې ۴۵ متره دی. په پروژه کې د کانالونو، لښتیو، استنادي دېوالونو، پلیو لارو، ګلدانونو او ترافیکي کرښو جوړول هم شامل دي.
د ښاریانو لپاره اسانتیاوې
د کابل ښاروالۍ په وینا، د پروژې له بشپړېدو وروسته به د شپې تګ راتګ اسانه شي او د سیمې ښکلا او ښاري نظم به هم ښه شي.
د ترافیکي ګڼېګوڼې د کمېدو هیله
تمه ده چې کابل ښار کې د دې پروژې بشپړېدل به د موټرو او پلیو تګ راتګ ته اسانتیا برابره کړي او د ښار په مرکزي سیمو کې به د ترافیکي ګڼېګوڼې په کمولو کې هم مرسته وکړي.
