د پاکستان کرکټ لوبډلې پخوانی تکړه توپ وهونکی او پښتون لوبغاړی یونس وایي، چې د افغانستان کرکټ بورډ سره یې کار کول لویه هیله وه.
یونس خان پر خپله فیسبوکپاڼه لیکلي دي:((دا زما ډیره هیله وه چې د افغانستان کرکټ بورډ سره د روزونکي په توګه کار وکړم او په دې اړه له ۲۰۱۱ کال راهیسې، هغه وخت کله چې زه لوبغاړی وم، بحثونه روان و.))
هغه زیاتوي:(( زه اوس احساس کوم چې دا مناسب وخت دی او د متحده عربي اماراتو کیمپ له افغان کرکټ بورډ سره د کار کولو لپاره یو ښه فرصت دی، څو راتلونکی استعدادونو له نږدې سره وپیژنئ.))
نور یی ولوله | نیوزیلند په افغانستان کې د دوه میلیون ډالرو په ارزښت پروژه تمویلوي
د ویلو ده چې څو ورځې وړاندې د افغانستان کرکټ بورډ د انګلستان پخواني لوبغاړي او تکړه توپ وهونکي ګراهام تورپ سره د ملي لوبډلې د مشر روزونکي په توګه تړون لاسلیک کړ.
همدا راز پاکستاني لوبغاړو یونس خان یې د توپ وهنې او عمر ګل یې د توپ اچونې لنډمهاله روزونکي وټاکل، چې ورسره سم یې افغان لوبغاړو ته په متحده عربي اماراتو کې تمریناتي کیمپ هم چمتو کړ.
