د شبانه بسیج راسخ په نامه یوې افغانې د نشنل جیوګرافیک نړیوال بنسټ (د کال غوره سپړونکې) معتبرې جایزې ګټونکې اعلان شوې

دا جایزه نوموړې ته د افغان مېرمنو د زدکړو برخه کې د هغې د ترسره کړیو فعالیتونو له امله ورکړل شوې ده.

آغلې راسخ د افغان مېرمنو له هغه نسله ده چې پر افغانستان د طالبانو لومړۍ واکمنۍ پر مهال د زدکړو له محرومیت سره اشنا شوه.

نور ولولئ: امریکا د زړورو ښځو کلنۍ جایزه د ایران معترضو ښځو او نجونو ته ورکړه

نشنل جیوګرافیک لیکلي، هغه چې اوس له دېرشو کلونو ډېر عمر لري، هغه مهال د زدکړو د ترلاسه کولو لپاره په کورونو کې جوړو شویو پټو ښوونځیو ته تله او د دې لپاره چې څوک پرې پوه نه شي د هلکانو کالي به یې اغوستل.

نور ولولئ: د ۲۰۲۳ کال اوسکار جایزه د (هر څه، هر ځای، په یوه ځل) تر نامه لاندې نندارې اووه جایزې وګټلې

نوموړې له ډېرو سختیو له ګاللو وروسته افغانستان کې ښوونځي پای ته ورساوه او وروسته یې لوړې زدکړې د برېتانیي مېډلز برا پوهنتون کې وکړې.

هغې په ۲۰۰۹ کال کې د افغان نجونو د زدکړو برخه کې خپل فعالیتونه پیل کړل

نشنل جیوګرافیک بنسټ وايي چې دغه موده کې آغلې راسخ د افغانستان په بېلابېلو ولایتوو کې نجونو ته د میلیونونه ډالرو په ارزښت سکالرشیپونه او مرستې ترلاسه کړي دي.

نور ولولئ: زر څانګې د اغا خان موسیقۍ جایزه ترلاسه کړه

له ځینو مرستندویه بهرنیو بنسټونو یې پیسې راټولولې او د افغانستان په ختیځ کې یې د نجونو پر زدکړو لګولې.

وروسته یې بیا د سولې په نامه یو بنسټ جوړ کړ، چې شعار یې «د زدکړو له لارې د ښځو ځواکمنول و.»

نور ولولئ: ظریفه غفاري د ‘زړورو ښځو’ جایزه وګټله

د ۲۰۲۱ ميلادي کال اګسټ کې چې کله طالبانو پر افغلانستان بیا واک ترلاسه کړ، د سولې په نامه دا ښوونیز بنسټ له افغانستانه رونډا ته ولېږدول شو چې اوس هلته خپلو فعالیتونو ته دوام ورکوي.

نشنل جیوګرافیک بسنټ یو نړیوال غیر انتفاعي بنسټ دی، چې د زدکړو او ساینسي اکتشافاتو برخه کې فعالیت کوي

د شبانه بسیج راسخ له سختیو ډک ژوند خو د زدکړو برخه کې یې لاسته راوړنو ډېر خلک حیران کړي.

دا لومړی ځل دی چې افغان ميرمنه دغه جايزه ګټي.