۳ امریکايي او روسی ستور مزلي یا فضانوردان په امریکايي سپېس ایکس توغندي کې فضايي سټېشن ته ولېږل شول
د سپیس اېکس یو توغوندی له ۳ امریکايي او یو روسي ستورمزلي (فضانوردانو) سره له فلوریډا څخه د نړیوال فضايي سټېشن پرلور وخوځېد.
یاده ډله ستورمزلي به په فضايي سټېشن کې ۶ میاشتې ګډ کار کوي. دغه فضايي سټېشن کې مسکو او واشنګټن له یو او بل سره همکاري کوي، خو روسیې تېر کال ګواښ کړی و چې دغه سټېشن به راوغورځوي.
هغه کپسول یا فضايي خونه چې ایلانماسک کارولې
دا ۳ نارینه او یوه ښځینه فضا نوردان په هغه کپسول یا فضايي خونې کې سفرکوي چې په تېر وخت کې څلور ځله د ایلان ماسک سپیس اېکس شرکت ورڅخه کار اخیستی.
تللي ستور مزلي غواړي چې په فضايي سټېشن کې راز، راز تجربې وکړي. د هغوی په څېړنو کې یوه هم دا ده چې په فضا کې د بې وزنه یا د کمزورې جاذبې په چاپیریال کې د بدن د غړو مصنوعي بڼې جوړې کړي، او د بدن ځینوتخریبونکو ناروغیو په اړه علمي پلټنې وکړي. دا ډول تجربې د ځمکې پرمخ نشي ترسره کېدای.
نور ولولئ: استرالیا هڅه کوي د سایبري بریدونو په وړاندې خپله ټکنالوژي پیاوړې کړي
نور ولولئ: د چینايي شرکت برښنايي الوتونکې تکسي
نور ولولئ: بریتانیا په هوايي ډګرونو کې د څېرو د تشخیص نوي ټکنالوژي ازمايي
د سپېس ایکس توغوندي توغول
دا ستورمزلي د دوشنبې په ورځ په سیمه ییز وخت د شپې ۱۰:۵۳ بجو فلوریډا کې د کینیډي له فضايي ستیشنه وخوځېدل.
داسې اټکل کېده چې یاد توغندی به د شنبې په ورځ فضا ته وتوغول شي، خو د هغوی د استولو لومړۍ هڅه د سختو بادونو له امله ځنډېدلې وه.
د ستورمزلو دغې ډلې مشر ماتیو ډامینیک دی. امریکايي جینېټ ایپس او روسي الکساندر ګرېبینکین هم ورسره دي چې فضا ته د هغه لومړی سفردی او داسې راپورونه دي چې دوی له دې پخوا نه وو تللي.
د یادو ستور مزلو بل غړی طبیب مایکل باراټ دی چې دا یې فضايي ستیشن ته دریم سفر دی.
نړیوال فضايي سیستم کې د نړۍ بېلابېل هېوادونه له یو او بل سره همکاري کوي چې په دغو هېوادونو کې کاناډا، اروپا، جاپان، امریکا متحدو ایالتونو او روسیې د فضايي ادارو په ګډو مرستو شامل دي.
په ۲۰۲۴ کال کې د امریکا د فضايي څېړنو اداره یا ناسا هڅه کوي چې د متخصصینو او ساینسپوهانو پر مرسته له فضا په فضا کې موجود زرات او را روان اقلیمي بدلونونه مطالعه کړي او پایلې یې له نړۍ سره شریکې کړي.
