اړوند خبرونه:
نتنیاهو: تر هغه جګړې ته دوام ورکوم تر څو چې ټاکلو موخو ته ورسېږم
نتنیاهو: تر هغه جګړې ته دوام ورکوم تر څو چې ټاکلو موخو ته ورسېږم
د اسراییلو رسنیو راپور ورکړی چې د دغه هیواد هوايي ځواک د دوشنبې په ماښام د یمن په «حدیده» بندر او شاوخوا سیمو کې د حوثیانو پر مرکزونو له ۲۰ څخه زیاتو جنګي جیټ الوتکو بمباري وکړه.
دا عملیات د یکشنبې په ورځ د تلاویو په «بنګوریون» هوايي ډګر باندې د حوثیانو د بالستیک توغندیو د برید په ځواب کې ترسره شول، چې له امله یې شپږ کسان ټپیان شول او الوتنې یې په موقت ډول ګډوډې شوې.
د اسراییل ټایمز ورځپاڼې راپور ورکړی چې د دغه هېواد پوځ د حوثیانو پر پوځي او اقتصادي زیربناوو د حدیده بندر او په باجیل کې یوه فابریکه کې شاوخوا ۵۰ بمونه غورځولي دي.
د حوثیانو غورځنګ سره تړلې المسیره تلویزیون د حدیده د سمنټو په فابریکه کې د پراخې اور لګېدنې راپور ورکړی، چې لږترلږه یو کس یې وژلی او ۳۵ نور یې ټپیان کړي دي.
حوثیانو ګواښ کړی چې د اسراییلو پر هوايي ډګرونو، په ځانګړې توګه بن ګوریون باندې د پرلپسې بریدونو سره به “بشپړ هوايي بندیز” ولګوي.
د اسراییلو لومړي وزیر بنیامین نتنیاهو د برید په وړاندې د “څو اړخیز ځواب” ژمنه کړې او ایران ته یې هم ګواښ کړی دی. دا د ۲۰۲۴ کال د جنوري راهیسې په حوثیانو باندې د اسراییلو شپږم برید دی، چې د متحده ایالاتو لخوا همغږي شوی و.
