طالبان وايي چې د تر پایه اسلامي شریعت پلی کوي، خو ایا دا رښتا اسلام شریعت دی او دکتاتوري؟
پرون د طالبانو د امربالمعروف او نهې له منکر وزیر محمد خالد حنفي ویلي: «د دوښمن له تبلیغاتو نه متاثره کېږو او د اسلامي نظام له یو رکن څخه هم نه تېریږو.»
مولوي خالد حنفيدا خبرې پرون خوست کې د جهادي مدرسې د فارغانو غونډې ته کړې، چې پخوا پکې عبدالحی حبیبي لېسه وه، خو طالبانو پر مدرسه بدله کړه. د منبع الجهاد په نوم د دې مدرسې ۴۴۴۲ تنو ته د فارغت لپاره نن یوه لویه غونډه جوړه شوې وه، چې له کابل هم د طالبانو ځینې چارواکي ورغلي وو.
د شریعت په نوم د طالبانو دکتاتوري نظام
طالبانو په ظاهره د دوی اوسني نظام ته د شرعي نظام نوم ورکوي، خو هغه حقوق چې د اسلام مبارک دین د بشر ازادۍ ته ورکړي، طالبان یې هغه ولس ته نه ورکوي چې د اسلامي شریعت د بقا لپاره یې پېړۍ پېړۍ قربانۍ ورکړي دي.
مثلا: د اسلام په مبارک دین کې مسلمان کولی شي، چې د امیر د غلطو پرېکړو او تګلارو پر وړاندې ودرېږي، خو د طالبانو امیر څو ورځې وړاندې وویل چې هېڅوک حق نه لري تر څو ددوی د نظام پر کوم چارواکي ښکاره انتقاد وکړي.
همداراز پرون د طالبانو عدلیې وزیر وویل چې دیني علماءکرام حق نه لري چې د طالبانو د نظام پر وړاندې خپل غږ پورته کړي او یا یې کارونه نقد کړي.
نور ولولئ: طالبان افغانستان کې ښځې له کار او زده کړو منع کوي، خو بهر کې له نیم لوڅو سره انځورونه اخلي
نور ولولئ: افغان ښځې له طالبانو د دوی پر زدهکړو او کار د محدودیتونو ختمول غواړي
نور ولولئ: طالبان د حجاب په نوم د ښځو ځپلو ته دوام ورکوي
دا ټول د طالب مشرانو هغه اوامر دي چې له اسلامي شریعت سره اړخ نه لګوي، ځکه په اسلامي شریعت کې نظامونه د مسلمانانو پر وړاندې مسئول دي. بل مسلمان کولی شي چې د امیر هغه امر چې د ولس او ملت په خیر نه وي، ونه مني او حتی پر وړاندې یې مخالفت کولی شي.
خو د طالبانو دا ډول کړنې او اوامر له دکتاتوري نظامونه سرچینه اخلي. ددوی نظام دکتاتوري دی او هغه پرېکړه عملي کوي، چې د نظام پر وړاندې یې ګواښونه له منځه وړلی شي.
د ښځو پر وړاندې د طالبانو دکتاتورانه چلند
د اسلام په مبارک دین کې د ښځو لپاره په هره برخه کې ځانګړی عزت او وقار دی. ښځو ته یې په هره برخه کې د زده کړو، دندو، تجارت او نورو برخو کې حقوق ورکړي دي لکه نورو اسلامي هېوادونو کې چې روان دي، خو طالبانو بیا پر دوی باندې دغه ټول حقوق د شریعت د غوښتنې په نوم درولي، چې دا کار شریعت نه بلکې د دوی دکتاتوري حرکت دی.
اوتنبایووا: طالبان باید د ښځو د زده کړو په اړه اوسنی دریځ بدل کړي
طالبان هڅه کوي چې د ښځو غږ وځپي. د ښځو دې غږ ځپلو، د دوی د بې عزته کولو او توهین کولو ته د طالبانو د محمد خالد حنفي په څېر ملایان چې په پاکستان کې زده کړې فرض بولي او افغانستان کې مباح، بېلابېل شرعي دلایل تراشي او تطبیق ته یې د شریعت د ارکانو نوم ورکوي.
په اصل کې د دین مطالعې ته مخه شي، بیا هر څوک پوهېږي او پوهېدلي هم دي چې د طالبانو حرکات د دکتاتور نظام په څېر دي، نه د اسلامي شرعي نظام.
