اړوند خبرونه:
د افغانستان بانک: نوي بانک نوټونه به د اړتیا پر بنسټ بازار ته وړاندې شي
طالبانو هدایت الله بدري د افغانستان بانک سرپرست ټاکلی
نن به د افغانستان بانک ۱۴ میلیونه امریکايي ډالر لیلام کړي
د افغانۍ د ثبات او ارزښتساتنې په موخه، افغانستان بانک اعلان کړی چې سبا (پنجشنبې، د حمل ۲۱مه) شل میلیونه ډالر د لیلام په ډول پلوري.
افغانستان بانک په شرایطو برابر له سوداګریزو بانکونو او د پولي خدمتونو له ټولو شرکتونو غوښتي چې په دې داوطلبۍ کې ګډون کوي او د لیلام د ورځې تر پایه خپل حسابونه تصفیه کړي.
د افغانستان بانک په خبرپاڼه کې ویل شوي: “د اسعارو د لیلام په داوطلبۍ کې د معاملاتو قسمي تسویې ته اجازه نه ورکول کیږي، د داوطلبۍ ګټونکي اړ دي چې د خپل ذمت د قیمت پیسې په یو ځل په نغدي ډول په ټاکلې موده کې د افغانستان بانک ته وسپاري.”
افغانستان بانک همداراز نن ورځ د یو امریکايي ډالر بیه شاوخوا ۷۲ افغانۍ اعلان کړې ده.
تر دې مخکې هم د افغانۍ د ثبات او ارزښتساتنې په موخه میلیونونه ډالر د لیلام په ډول پلورل شوي وو.
بلخوا یو شمېر اقتصادي کارپوهانو د ډالرو لیلام د افغانۍ د ثبات لپاره ګټور بللی، خو تر څنګ یې له هېواده د ډالرو د قاچاق پر مخنیوي هم ټینګار کړی دی.
د ویلو ده چې د ډالر په مقابل کې د افغانۍ په ښکتهکېدو سره د هېواد په بازارونو کې د خوراکي توکو بیې هم لوړېږي چې دا کار وخت ناوخت عام افغانان اندېښمن کوي.
