دا لومړی ځل دی چې افغان کرېکټ ملي لوبډله اسټرالیا ته په نړیواله لوبه کې ماته ورکوي
د افغانستان کرېکټ ملي لوبډلې د ۲۰۲۴ کال په شل اوریز نړیوال جام کې د اسټرالیا په څېر د غښتلو توپوهونکو پر وړاندې د ۱۴۹ منډو هدف د غوره بالینګ، غوره فېلډینګ او ښه مدیریت له امله دفاع کړ او دغه لویه او تاریخي بریا یې د افغانستان او د غیور ملت په نوم کړه.
افغانستان په لومړي ځل د اسټرالیا لوبډلې ته ماتې ورکړه. تردې وړاندې افغانستان په هیڅ لوبه کې د اسټرالیا لوبډلې ته ماتې نه وه ورکړې.
د افغانستان او سټرالیا لوبډلو تر منځ د نړېوال جام د اته غوره پړاو سیالیو کې افغان لوبډلې د اسټرالیا لوبډلې ته د ۲۱ منډو په توپير ماتې ورکړه.
د ابراهیم ځدراڼ او رحمن الله ګربز په زړه پورې اوپنېنګ
د لوبې په لومړۍ پاڼۍ کې افغان پیلیز توپ وهونکو رحمن الله ګربز او ابراهیم ځدراڼ د ښې ملګرتیا په مټ اسټرالیا لوبډلې ته ۱۴۹ منډو هدف ورکړ.
د اسټرالیا لوبډلې له لورې د افغانستان د ورکړل شوي هدف د پوره کېدو لپاره میکسویل ۵۹ منډې جوړې کړې او پاتې نور لوبغاړي یې د ډیرو کمو منډو جوړولو وروسته وسوځیدل.
نور ولولئ: د افغانستان کرکټ بورډ له دریو لوبغاړو مرکزي قرارداد اخیستی دی
نور ولولئ: کرکټ؛ د اماراتو پر وړاندې د رحمن الله ګربر جادوګره لوبه
په دغې لوبه کې ګلبدین نایب د څلورو اورو په لوبولو سره د اسټرالیا څلور، نوین الحق درې، راشد خان او محمد نبي یو یو لوبغاړي وسوځول، او د اسټرالیا لوبډله یې پرینښودله چې د افغانستان له لوري ورکړل شوی هدف پوره کړي.
د ګلبدین نایب او نوراحمد لکڼوال په زړه پورې کېچونه
د دواړو لوبغاړو دوو کېچونو وکولی شول چې د لوبې مسیر د افغانستان په ګټه راوګرځوي. راشد خان غوره بالینګ وکړ او نوراحمد لکڼوال تر ټولو خطرناک کېچ تر لاسه کړ.
د افغان لوبډلې پر دغه وروستۍ بریا د دنیا له ګوټ، ګوټ افغانانو د ټولنیزو رسنیو له لارې خپلې خوښۍ له خلکو سره شریکې کړي دي.
د افغانستان د کرېکټ په تاریخ کې د لومړۍ ځل دی چې افغان لوبډله د اسټرالیا لوبډلې ته په ماتې ورکولو توانیږي.
د اسټرالیا د دغه کار په اعتراض کې هم افغان لوبغاړو د اسټرالیا هېواد په کورنۍ لیګونو کې له لوبیدو څخه ډډه وکړه.
بل لورته تر هغه لوبه د اسټرالیا په لاس کې وه چې ددغه هېواد نامتو توپوهونکی مکسویل ولاړ و، خو د هغه په سوزېدو لوبه د افغان لوبډلې په ګټه راوڅرخېده.
