اړوند خبرونه:
روسیه ملګرو ملتونو ته؛ موږ پر طالبانو لګول شوي بندیزونه لرې کوو
کابلوف: نړۍ دې حقیقت ته رسېږي چې طالبان د افغانستان قانوني مسئول دي
امیرخان متقي له مسکو مننه کړي چې دوی ته په نړیوالو ناستو کې کمپاین کوي
جنرال جک کین، چې یو لوړپوړی نظامي تحلیلګر او د امریکا د پوځ پخوانی قوماندان دی، د افغانستان له پولو بهر د تروریزم د زیاتېدونکي ګواښ په اړه خبر ورکړی او دا یې “بېساری او ډېر جدي” بللی دی. هغه وویل چې داعش او القاعده د امریکایي ځواکونو له وتلو وروسته بیا تنظیم او فعال شوي دي.
جنرال جک کین د دوشنبې په ورځ، د ثور په لومړۍ نېټه، د افغانستان د تروریستي ګواښونو په اړه خبرداری ورکړ.
هغه د هادسن انسټیټیوټ په وینا څرګنده کړه چې د طالبانو واک ته راستنېدل د تروریستي ډلو د بیا راڅرګندېدو لامل شوي او امنیتي وضعیت یې لا خراب کړی دی.
جنرال کین ټینګار وکړ چې د امریکایي ځواکونو بېړهناک او بشپړ وتل نه یوازې د القاعده او داعش په څېر ډلو د بیا ودې لامل شوي، بلکې د متحده ایالاتو حیثیت یې د یوې کمزوري نړیوال ځواک په توګه ښکاره کړ.
هغه وویل: “د پوځ قوماندانان د بایډن د حکومت د بشپړ وتلو د پرېکړې مخالف وو، ځکه دوی باور درلود چې دا ډول اقدام به د القاعده او داعش د بیا ځواکمنېدو زمینه برابره کړي.”
دغه متقاعد جنرال د داعش سره د مبارزې لپاره په سوریه او افریقا کې د امریکایي ځواکونو اوسني شتون ته په اشارې سره زیاته کړه چې له افغانستانه وتل د داعش د ګواښ کچه په پام کې نیولو سره غیرمنطقي اقدام و.
