افغانستان له کلونو وروسته د اوبو د مرغانو په نړیواله سروې کې ګډون کړی او چاپېریالي څېړونکو د هېواد په څو مهمو افغانستان کې د مارغانو لومړنۍ سروې لندو سیمو کې د مرغانو لومړنۍ پراخه سروې ترسره کړې ده.
دا سروې د «ریوایلډ» په نوم د یوې افغان چاپېریالي ادارې له خوا ترسره شوې، چې له مخې یې افغانستان د اوبو د مرغانو د نړیوالې کلنۍ سروې برخه ګرځېدلی دی. په دغه نړیوال پروګرام کې د نړۍ ۱۸۹ هېوادونه ګډون لري.
د افغانستان لندې سیمې له جدي ګواښ سره مخ دي
د سروې ټیم د افغانستان شپږو مهمو لندو سیمو او ډنډونو ته سفر کړی؛ هغه سیمې چې د کوچ کوونکو مرغانو لپاره مهم تمځایونه ګڼل کېږي. هر کال زرګونه مرغان د هند او پاکستان له تودو سیمو د منځنۍ اسیا او سایبریا پر لور کوچ کوي او افغانستان د دوی د تګ راتګ مهم مسیر بلل کېږي. افغانستان کې د مارغانو لومړنۍ سروې
د سروې پایلې ښيي چې د افغانستان ډېری تاریخي لندې سیمې د وچکالۍ، اقلیمي بدلون، غیرقانوني ښکار، د کرنیزو ځمکو پراختیا او د اوبو کمښت له امله له سختو ستونزو سره مخ دي.افغانستان کې د مارغانو لومړنۍ سروې
د «ریوایلډ» ادارې اجرائیه مشر ایوب علوي ویلي، د پخوانیو کلونو پرتله اوس د مرغانو طبیعي استوګنځایونه ډېر زیانمن شوي دي.
هغه ویلي:
«د مرغانو وضعیت د اندېښنې وړ دی. ځینې سیمې بشپړې وچې شوې او په ځینو نورو کې د مرغانو شمېر کم شوی دی.»افغانستان کې د مارغانو لومړنۍ سروې
د «آب ایستاده» جهیل وچېدو اندېښنې زیاتې کړې
د سروې ډلې د کابل سیند پر بندونو، د آمو سیند د غاړو پر لندو سیمو او د غزني په «آب ایستاده» جهیل کې هم څېړنې ترسره کړې دي.
څېړونکو ویلي چې د غزني «آب ایستاده» جهیل، چې پخوا د فلامینګو مرغانو مهم استوګنځای و، اوس په بشپړه توګه وچ شوی او هلته هېڅ مرغان نه دي لیدل شوي. افغانستان کې د مارغانو لومړنۍ سروې
دغه جهیل پخوا د زرګونو فلامینګو مرغانو د تم کېدو او نسل اخیستو مهم ځای ګڼل کېده، خو وچکالۍ، د اوبو بندونو او د ځمکنیو اوبو زیات استعمال یې وضعیت خراب کړی دی.
بلخوا د غزني «سرده بند» سیمه د مرغانو لپاره مناسبه موندل شوې ده. د سروې پر مهال هلته د مرغانو ۴۵ بېلابېل ډولونه ثبت شوي، چې زرګونه د اوبو مرغان هم پکې شامل وو. افغانستان کې د مارغانو لومړنۍ سروې
د سروې ټیم خبرداری ورکړی چې که د لندو سیمو ساتنې، د اوبو مدیریت او د غیرقانوني ښکار مخنیوي ته جدي پاملرنه ونه شي، افغانستان به د طبیعي مرغانو او وحشي ژوو مهم استوګنځایونه له لاسه ورکړي. افغانستان کې د مارغانو لومړنۍ سروې
د «ریوایلډ» اداره وایي، هڅه کوي په راتلونکو کلونو کې د افغانستان نورې طبیعي سیمې هم وڅاري، څو د مرغانو او طبیعي سرچینو د ساتنې لپاره پراخ چاپېریالي پروګرامونه پيل شي.
