نن ۲:۳۰ افغان ملي اتلان د بنګلهدېش پر وړاندې درېیمې سیالۍ لپاره د لوبې ډګر ته کوزېږي
د افغانستان کرېکټ ملي لوبډله د درېیو نړیوالو یو ورځنیو سیالیو لوبلړۍ درېیمې لوبې لپاره د بنګلهدېش پر وړاندې د لوبې ډګر ته کوزېږي او د اتلولۍ ترلاسه کولو په موخه سیالي کوي.
دا لوبه نن دوشنبه د لړم پر ۲۱مه د افغانستان په کوربهتوب د متحده عربي اماراتو په شارجه کرېکټ لوبغالي کې کېږي.
له تېرو دوو لوبو، لومړی یې افغان کرېکټ ملي لوبډلې وګټله او دویمه یې بیا بنګله دیش وګټله چې نن دریمه لوبه به څوک وګټي.
د روانې لوبلړۍ مساوي کېدل
دا وروستۍ او برخلیک ټاکونکې سیالي به د کابل پر وخت ۲:۳۰ بجې له غرمې وروسته پیل شي او اتله لوبډله به د اتلولۍ جام پر سر یوسي.
دې سره خوا کې، د افغانستان کرېکت بورډ ویلي چې د یوې-یوې لوبې په ګټلو سره د دواړو لوبډلو ترمنځ لوبلړۍ مساوي شوې ده.
نور ولولئ: سريلانکا سره لوبلړۍ ته افغان کرکټ بورډ لوبډله اعلان کړه
نور ولولئ: افغان ملي لوبډلې بنګله دیش ته په لوی توپیر ماته ورکړه
نور ولولئ: د بنګله دېش او افغانستان تر منځ یو ورځنۍ کرېکټ لوبې نن پیلېږي
د هېواد ملي اتلانو په لومړۍ لوبه کې بنګاليانو د ۹۲ منډو په لوی توپیر ماتې ورکړې ده.
دا په داسې حال کې ده چې افغان کرېکټ ملي لوبډله تر بل هر وخت څو برابره پیاوړې او په غوره ځوان لوبغاړو سمبال ده چې د ښې توپوهنې او توپاچونې پر مټ د نړۍ سترې لوبډلې په ګونډو کوي.
د دریمې لوبې مهموالی
دې سره جوخت، د افغان ملي لوبډلې مشر روزونکي جانتان ټروټ هم ویلي: «که څه هم د افغانستان لپاره هره لوبه مهمه ده، خو دا وروستۍ لوبه اوس ډېره حیاتي ده چې هلکان په بې صبرۍ ورته په تمه دي.»
د نننۍ لوبې بری ۶۴ سلنه د افغان اتلانو او یوازې ۳۶ سلنه د بنګالیانو په ګټه اټکل شوی دی او دا پرلهپسې درېیم ځل دی چې د هېواد ملي لوبډلې د بري اټکل لوړ ښودل کېږي.
پر دې سربېره، افغان کرېکټ ملي لوبډلې ته ۲۰۲۳ او روان ۲۰۲۴ کال د ډېرو لاسته راوړنو کال یادېږي، ځکه په دغه کلونو کې یې د پاکستان، سوت افریقا او نور غښتلي ټیمونه د کرېکټ په میدان کې مات او لوبې یې د افغانستان په نوم ثبت کړې.
افغان لوبډلې د هند له لوبډلې پرته نور ټول ټیمونه مات کړل.
د یادونې ده چې د افغانستان کرېکټ ملي لوبډلې له دې مخکې د ۲۰۲۲م کال یو ورځنیو سیالیو لوبلړۍ کې بنګالیانو ته دوه پر یو ماتې ورکړې وه.
