د هالیوو سینما ستوري انجلینا جولي له پاکستان د افغان کډوالو په جبري ایستنې خپله خواشیني ښودلي
د هالیووډ مشهورې ستورې انجلینا جولي په خپلې انستاګرام پاڼې له پاکستانه د افغان کډوالو پر ایستلو خواشیني څرګنده کړې ده او هغه یې یو “ژور بشري ناورین” بللی دی.
هغې لیکلي، “پاکستان له لسیزو راهیسې د ډېرو افغان کډوالو کورنیو ملاتړ کړی دی. زه خواشینی یم چې دوی په ناڅاپه توګه هغه کډوال بېرته افغانستان ته اړوي چې په کې د ژوندي پاتې کېدو له ناممکنو واقعیتونو سره مخ دی.
نور ولولئ: طالبانو سره زنداني مطیع الله ویسا ته د هالیووډ مشهورې لوبغاړي انجلینا جولي لیک
په افغانستان کې مېرمنې له ټولو حقونو او د زده کړو له اسانتیاوو بې برخې شوي ، ډیری یې زنداني کېږي او یو ژور بشري بحران دی.
دغه فلمي ستوري د پاکستان دا کار غمیزه بللي
انجلینا جولي وايي دا په نړیواله کچه د بشري حقونو د شاته تګ یوه بله بېلګه ده، او د افغانانو د کړاوونو په اوږده تاریخ کې یوه نوې غمیزه، چې له څلوېښتو کلونو راهیسې یې له جنګ جګړې او بې ځایه کېدو پرته بل څه نه دي تجربه کړي.
افغانستان کې د طالبانو حکومتي چارواکي وايي، په تورخم دروازه کې له تېرو دوو ورځو راهیسې د کډوالو بېرته راستنېدو بهیر یو څه ورو شوی دی.
نور ولولئ: انجلینا جولي: پر فلسطینیانو د اسراییلو بمباري بشري جنایت دی
د پاکستان سترې محکمې د ناقانونه افغان کډوالو د اېستلو په تړاو اعتراض رد کړی دی
یو شمېر سیاسي فعالانو د پاکستان سترې محکمې ته په یوې عریضې کې د چارسمبالي حکومت هغه پرېکړه د هېواد د “اساسي قانون پر ضد، ناقانونه او غیر انساني” بللې وه چې پر بنسټ یې هغه کډوال اېستل کېږي چې د دوی په وینا له لسیزو راهیسي هلته ژوند کوي.
د پاکستان ستر محکمه
عریضه کونکو ویلي عدلي او قضايي ادارو ورته ویلي چې “دا موضوع د بنسټیزو قانوني حقونو عملي کولو سره تړاو لری”.
خو اعتراض کوونکي وايي د پاکستان د قانون له مخې هر هغه څوک خوندي دی چې په دغه هېواد کې ژوند کوي. دوی ویلي د عالي محکمې د پرېکړې پر خلاف به د بيا کتنې غوښتنه وکړي.
د محسن دوړ، امنه مسعود جنجوعه، فرحت الله بابر د مشرانو جرګې غړي مشتاق احمد، جبران ناصر، ایمان زینب مزاري په ګډون د پاکستان یو شمېر سیاسي او د بشري حقونو فعالانو دا عریضه کړې وه.
له پاکستانه تازه رپوټونو کې ویل شوي، له دغه هېواد تر دې مهاله نژدې ۳۰۰ زره افغان کډوال افغانستان ته ستانه شوي دي.
د پاکستان حکومت پرېکړې کړې وه چې په دغه هېواد کې “بې اسنادو” یو اعشاریه ۷ میلیونه افغان کډوال دې د نومبر تر لومړۍ نېټې ووځي.
له بل لوري په افغانستان کې د ژمي په رارسېدو، لا هم د کډوالو لپاره سرپناه او د ژوند نور سهولتونه نشته.
