ایران ایران وايي ۲۵ کاله وړاندې پر ایراني ډیپلوماټانو د طالبانو برید جنایت و
![وزرای خارجه ایران و طالبان 1100x700](https://afghannow.net/wp-content/uploads/2023/08/وزرای-خارجه-ایران-و-طالبان-1100x700-1-348x196.jpg)
کابل کې د ایران سفارت ۲۵ کاله وړاندې پر ایراني ديپلوماتو برید یو نه بښونکی جنایت بللی دی
په کابل کې د ایران سفارت وایي، ۲۵ کاله وړاندې په مزارشریف کې د دغه هېواد پر کونسلګرۍ برید یو نه بخښوونکی جنایت و، او د دغه برید په کلکه غندنه کوو.
ایران د دغې پېښې پړه پر طالبانو اچوي او زیاتوي، چې ایرانیان به هېڅکله دغه غمیزه له یاده و نه باسي.
دا پیغام پر ټویټر خپور شوی دی
په کابل کې د ایران سفارت په خپلې ټوېټرپاڼه لیکلي دي، « ۲۵ کاله وړاندې په مزارشریف کې د ایران پر کونسلګرۍ ترهگریز برید شوی و چې په کې د دغې قونسلګرۍ ډیپلوماټان او یو خبریال وژل شوي وو.»
دغه سفارت د خپلو کارکوونکو د وژنې ۲۵م تلین په لمانځلو سره د دغه نه بخښوونکي جنايت د غندلو په ترڅ کې د دغې پېښې د نورو اړخونو د روښانه کولو په اړتيا ټينګار کړی.
نور ولولئ: د افغانستان بد حالات؛ پاکستان او ایران د افغانانو ملاتړ خپل مسئولیت بولي
دغه څرګندونې داسې مهال مخې ته راځي، چې د کابل او تهران ترمنځ د اوبو پر سر تاوتریخوالی زیات شوی، او د دواړو غاړو ترمنځ د پولې په اوږدو کې څو ځلې تاوتریخوالی رامنځته شوی دی.
ایران دا ځل بیا د اوبو یادونه کړې ده
ایراني چارواکو تل پر طالبانو تور پورې کړی، چې د کمال خان او کجکي په بندونو کې د اوبو پریمانه پریماني ده؛ خو طالبان دوی ته درواغ وایي چې ګواکې دغه بندونه د وچکالۍ له امله اوبه نه لري.
سره له دې چې د طالبانو حکومت تر دې مهاله هیڅ کوم هېواد په رسمیت نه دی پېژندلی؛ خو ایران تل په سیمه ییزو او نړیوالو ناستو کې ویلي، چې د طالبانو حکومت ټول شموله نه دی او مذهبي او قامي ډلې له واکه بهر پاتې دي.
له څو مودې راهیسې د ایران د بهرنیو چارو وزارت او نورو ایراني چارواکو له لوري پر طالبانو ډېرې سختې نیوکې کېږي او طالبان ملامتوي چې دوی ته د کمال او کجکي بندونو کې د ایران حق ابه نه ورپرېږدي. شنونکي وايي پر طالبانو د ایران فشارونه واردول د اوبو له لانجې سرچینه اخلي، خو طالبان وايي چې دوی د ۱۳۵۱ کال معاهدې له مخې بحثونو ته چمتو دي.