بغلان کې سړک؛ د ۳۹۰ میلیونه افغانیو په لګښت د ۱۸ کیلومتره سړک چارې پیل شوې
په تازه ګام کې بغلان کې سړک د ۳۹۰ میلیونه افغانیو په لګښت جوړېږي. د دهـنهغوري او پلخمري ترمنځ د دغه ۱۸ کیلومتره سړک د تخنیکي جزیاتو او اهمیت په اړه بشپړ راپور دلته ولولئ.
بغلان ولایت کې د بیارغونې او ترانسپورتي اسانتیاوو د رامنځته کولو په موخه، یوه لویه پروژه رسماً پرانیستل شوه. د هېواد په شمال کې د اقتصادي تحرک او د ولسوالیو د نښلولو په لړ کې، دا ځل بغلان کې سړک په اساسي ډول جوړېږي، چې د سیمې د اوسېدونکو پخوانۍ غوښتنه وه.
بغلان کې سړک، د پروژې جزیات او لګښت
د بغلان ولایت د دهـنهغوري ولسوالۍ او د پلخمري ښار ترمنځ د نږدې ۱۸ کیلومتره سړک د جوړولو چارې پیل شوې دي. د دغې پروژې ټولیز لګښت ۳۸۹ میلیونه او ۴۸۳ زره افغانۍ دی، چې د ټولګټو وزارت له پراختیایي بودیجې څخه تمویلېږي.
بغلان کې سړګ به په لاندې تخنیکي مشخصاتو سره بشپړ شي:
اوږدوالی: ۱۷.۶۲۰ کیلومتره.
سور: ۱۰ متره.
پلونه او پلچکونه: په دې پروژه کې یو لوی پُل او ۵۰ پلچکونه شامل دي.
استنادي دېوالونه: د سړک د خوندیتوب لپاره د ۱۰۶۴ مترو په اوږدوالي استنادي دېوالونه هم جوړېږي.
بغلان کې سړک، د حکومت لومړیتوبونه او د چارواکو څرګندونې
د یادې پروژې د پرانیستې پر مهال د بغلان والي، مولوي عبدالرحمن حقاني وویل، چې بغلان کې سړګ جوړول د دهـنهغوري ولسوالۍ د اوسېدونکو له اساسي اړتیاوو څخه و. هغه زیاته کړه چې د ټولګټو پروژو پلي کول او ټولنیزې هوساینې ته پاملرنه د اسلامي امارت په لومړیتوبونو کې ده.
همدارنګه د بغلان د ټولګټو رئیس، مولوي محمد نصیر شیخزاده رسنیو ته وویل، چې د دغه سړک چارې به د یوه کال په موده کې په معیاري ډول پای ته ورسېږي. هغه له خلکو وغوښتل چې د پروژې په تطبیق کې له انجینرانو او مسوولینو سره همکاري وکړي.
د دهـنهغوري اوسېدونکو خوښي
د سیمې خلک چې کلونه یې پر خرابو لارو سفر کاوه، د دغه سړک د کار په پیل کېدو خورا خوښ دي. د دوی په وینا، کله چې بغلان کې سړګ په اساسي ډول جوړ شي، د تګراتګ ستونزې به یې حل شي او خپل کرنیز محصولات به په اسانۍ سره بازار ته ورسوي.
دا سړک نه یوازې د مسافرینو لپاره اسانتیا رامنځته کوي، بلکې د پلخمري او دهـنهغوري ترمنځ سوداګریزې اړیکې هم پیاوړې کوي.
په زیربنایي برخو کې د دا ډول سترو پانګونو ترسره کول ښیي چې افغانستان د بیارغونې پر لور روان دی. د یو کال په موده کې د دغه سړک بشپړېدل به د بغلان ولایت په اقتصادي او ټولنیز وضعیت کې مثبت بدلون راولي.
سرچینه: د بغلان ولایت د ټولګټو ریاست او سیمه ییز چارواکي.
