اړوند خبرونه:
سي ای اې وايي، روسیه د ایران په همکارۍ د ډرون الوتکو کارخانه جوړوي
ایران د حزر سمندرګي قطعې ته د دیلمان په نوم نوي بېړۍ ورزیاته کړه
د ایران پرمختللي وسلې د روسیې پوځي نندارتون کې
ایراني رسنیو ‘د روسیې د جنګي جټ الوتکو د پېرودلو له هوکړې وروسته’ راپور ورکړی چې د دوی اسلامي جمهوریت له روسیې څخه «سوخو ۳۵» جنګي جټ الوتکې پېرودلې دي.
د سپاه پاسداران یو قوماندان، علي شادماني پرون (دوشنبې د دلوې ۸مه) له دانشجو خبري آژانس سره د دې جنګي الوتکو د پېرودلو خبره کړې ده.
د راپورونو له مخې، دا لومړی ځل دی چې یو لوړپوړی ایراني چارواکی د «سوخو ۳۵» جنګي الوتکو د پېرودلو خبر تاییدوي، خو دوی دا نه دي ویلي چې دا الوتکې کوم وخت ایران ته سپارل شوې دي.
د انیپندینت د راپور له مخې، چې «سوخو ۳۵» د ۴۳ میلیون ډالرو په ارزښت هغه جنګي الوتکه چې د پخوانیو په پرتله ډېره د چلولو وړتیا او پرمختللي تجهیزات لري.
د ویلو ده چې تهران او مسکو شاوخوا دوې میاشتې مخکې د روسیې د جنګي جټ الوتکو د پېرودلو لپاره د تړون د نهایی کیدو او اړینې همغږۍ اعلان هم کړی و.
ایران په داسې وخت کې له روسیې څخه «سوخو ۳۵» جنګي الوتکې پېردولې چې په امریکا کې د ټرمپ واک ته رسیدو او له اسراییلو سره د هغه د پراخې همکارۍ په دوام د ایران پر اټومي او پوځي تاسیساتو د برید د احتمال په اړه اندیښنې زیاتې شوې دي.
