اړوند خبر:
د ایران سني مذهب امام عبدالحمید: له افغان کډوالو سره د ایران چلند نه زغمونکی دی
د جرمني رسنیو د راپورونو له مخې د دغه هېواد فدرالي حکومت د پېچلې اداري پروسې او اوږدو بیاکتنو له امله، خطر سره مخ افغانانو د منلو پروګرام د لغوهکولو په اړه غور کوي.
دې پریکړې په پاکستان کې د زرګونو پناهغوښتونکو برخلیک له ناڅرګند حالت سره مخ کړی دی.
د MDR رسنۍ په وینا، هغه پروګرامونه چې د خبریالانو، ښځینه فعالانو، د بشري حقونو مدافعینو او د جرمني ځواکونو پخوانیو همکارانو ملاتړ یې کاوه، د دې ډلې لپاره یوازې محدودې پایلې ورکړې دي.
سرچینه وایی د قضیو پروسس کول خورا ورو دي او زرګونه لاهم د وروستي ځواب په تمه دي.
د راپور له مخې، شاوخوا ۲۰۰۰ افغانان چې مخکې یې د جرمني حکومت څخه منظوري ترلاسه کړې وه، په پاکستان کې د میاشتو راهیسې په سختو شرایطو کې ژوند کوي او د خپل راتلونکي په اړه هیڅ ډاډ نه لري.
د کډوالۍ نړیوال سازمان د دفتر رییس او نورو چارواکو افغانستان ته سفر کړی
د مستند فلم جوړونکو خبرداری ورکړی چې د دې پروګرام بندول کولی شي د هغو خلکو په وړاندې د جرمني د اخلاقي مسؤلیت پای ته رسیدو نښه وي چې له کلونو راهیسې یې له دې هیواد سره کار کړی دی.
افغانستان کې د جمهوریت له ړنګیدو وروسته، ډیری هغه وګړي چې په رسنیو، مدني ټولنو او نړیوالو پروګرامونو کې فعال وو، په ګاونډیو هیوادونو کې پناه واخیسته. د جرمني حکومت په هغه وخت کې ژمنه کړې وه چې دا خلک به د ځانګړو پروګرامونو له لارې ومني او له احتمالي خطر څخه به یې وساتي.
خو اوږده اداري پروسه، د جرمني ادارو ترمنځ د همغږۍ نشتوالی، او په سیمه کې ډیپلوماتیکې ننګونې پدې معنی وې چې ډیری دا ژمنې لا هم نه دي پوره شوې.
