له طالبانو سره د سولې د خبرو لور ته لومړني ګامونه د ملایعقوب له لیکه وروسته پورته شول

د امریکا د کانګریس د استازو جرګې د بهرنیو اړیکو د کمېټې پر اساس، د افغانستان لپاره د امریکا پخواني استازي زلمي خلیلزاد ویلي چې له طالبانو سره د موافقې په اړه د خبرو لپاره لومړني ګامونه د اوباما په حکومت کې پورته شول نه د ډانلډ ټرمپ.

د خلیلزاد په وینا، دا ګامونه وروسته له دې واخیستل شول چې د اوباما د حکومت په دوره کې ملایعقوب مجاهد امریکا ته لیک واستاوه او په هغه کې یې ویلي و چې د افغانستان جنګ له پوځي لارې پای ته نه رسیږي او طالبان د جګړې د پای ته رسیدو غوښتونکي دي.

خلیلزاد ته درې لومړیتوبونه

د ښاغلي خلیلزاد دا څرګندونې د کانګریس د بهرنیو اړیکو کمېټې پرون (چهارشنبې) پر خپله ایکسپاڼه خپرې کړي دي.

دا څرګندونې د امریکا د باندنیو چارو وزارت له هغو چارواکو سره، چې له افغانستانه د وتلو په پروګرام کې یې ونډه لرله، د مایکل مککال په مشرۍ د استازو جرګې د بهرنیو اړیکو د کمېټې د مرکو د لړۍ پنځمه برخه ده.

نور ولولئ: د امریکا بهرنیو چارو وزیر انتوني بلېنکن اسرائیلو ته ورسېده

نور ولولئ: د ۳ امریکایانو وژل کېدل او ۳۵ نور ټپیانېدل؛ خلیلزاد د ایران پر وړاندې د غبرګون غوښتنه وکړه

خلیلزاد ویلي چې د ټرمپ حکومت له طالبانو سره د خبرو لپاره ده ته درې لومړیتوبونه ټاکلي و: د داسي موافقې په اړه خبرې چې د خوندي او منظم وتلو امکان برابر کړي، ډاډ ترلاسه شي چې افغانستان به بیا د ترهګرو پر ځالې نه بدلیږي او د بین الافغاني خبرو اړتیا.

د سي اېن اېن نوي موندنې؛ امریکایانو کابل هوايي ډګر کې له ځانمرګي وروسته ځینې کسان په ډزو ووژل

د بهرنیو اړیکو د کمېټې د سند پر اساس، خلیلزاد د ۲۰۲۰ په دوبي کې د زرګونو طالب بندیانو پر خلاصون د دې لپاره ټینګار وکړ چې طالبان د خپلو بندیانو له خوشي کېدو پرته د افغانستان له حکومت سره خبرو ته نه تیارېدل.

د بندیانو له خوشي کولو سره د پرځېدلي جمهوریت مخالفت

خلیلزاد ویلي چې دی، د بهرنیو چارو وزیر او نور په دې برخه کې همنظره وو او د بین الافغاني خبرو تر پیلیدو مخکې طالبان د اعتماد رامنځته کېدو لپاره د یو لړ اقداماتو غوښتونکي وو.

خلیلزاد ویلي چې د افغانستان حکومت د بندیانو له خوشي کېدو سره مخالف نه و خو د زیات شمېر بندیانو له خلاصون سره مخالف و. ده وویل د افغانستان پخوانی حکومت د دواړو خواوو ترمنځ د یو شان بندیانو د تبادلې غوښتونکی و.

خلیلزاد ویلي چې د بایډن حکومت درې انتخابه لرل: د دوحې موافقې پر نه مشروطولو او له تروریزم سره پر مبارزې ټینګار، دوهم د موافقې څېرل او تر پښو لاندې کول لکه څرنګه چې یې له ایران سره وکړل او درېیم په مشروط ډول د موافقې منل.

خلیلزاد ویلي چې ده د موافقې د مشروطولو سپارښتنه کړې وه او باور لري چې د بهرنیو چارو وزیر انتوني بلینکن هم ورته سپارښتنه کړې وه.