اړوند خبرونه:
م.م. کې د امریکا سفیره وايي، امریکا طالبان په رسمیت نه پیژني
افغانستان په هغو لسو هېوادونو کې دی چې نجونې پکې ښوونځي ته نه شي تللی
توماس: افغانستان کې زدهکړو ته د نجونو پر تګ او ټولیزو ګټو اجماع شته
له پاکستانه د افغانانو د جبري راایستلو دویم پړاو ته د غبرګونونو په دوام، د افغانستان لپاره د امریکا پخوانی استازی «زلمی خلیلزاد» وایي چې د پاکستان حکومت ښايي په راستنېدونکو افغانانو کې د داعش ډلې غړي هم راولېږي.
ښاغلي خلیلزاد په اېکس پاڼه لیکلي چې د پاکستان له لوري افغانستان ته د داعش ډلې د غړو د لېږلو په اړه اندېښنې شته او په وینا یې چې دئ دا ادعا د خپلو معلوماتو پر بنسټ کوي.
په وروستیو اوونیو کې له پاکستانه د افغانانو د جبري ایستلو دویم پړاو پیل شوی او د پاکستاني حکومت دې اقدام په نړیواله کچه پر بشري حقونو د څار بنسټونو او سازمانونو غبرګونونه راپارولي دي.
زلمي خلیلزاد تر دې مخکې هم بار بار د بېلابېلو مسایلو اړوند پاکستان ته مشورې ورکړې او د افغانستان په تړاو یې هم خپلې سپارښتنې ورسره شریکې کړې دي.
له پاکستانه د افغانانو د را ایستلو په تړاو هم زلمي خلیلزاد خپله تبصره لیکلي، خو د پاکستاني حکومت لخوا د داعش ډلې د غړلو د رالېږلو په اړه یې دا ادعا تر ډېره خطرناکه ښکاري.
د زلمي خلیلزاد دا څرګندونې داسې مهال دي چې تازه د افغانستان لپاره د پاکستان ځانګړی استازی، محمد صادق د لوړپوړي پلاوي په مشرۍ کابل ته راغلی چې ټاکل شوې دلته به د افغانستان – پاکستان د ګډې همغږۍ په ناسته کې ګډون وکړي.
