د اا پر مسولینو د سفرونو یندیز په اړه غونډه بې پایلو ختمه شوه
![د اا پر مسولینو د سفرونو یندیز په اړه غونډه بې پایلو ختمه شوه](https://afghannow.net/wp-content/uploads/2022/08/د-ا.ا-د-چارواکو-د-سفر-د-معافیت-په-هکله-د-م.م-غونډه-بې-پایلې-پای-ته-ورسېده.jpg)
په ملګرو ملتونو کې د افغانستان د دایمي استازولۍ سرپرست وايي، چې د یو شمېر طالب چارواکو د سفر د معافیت غځولو په اړه د ملګرو ملتونو د امنیت شورا د تېرې شپې غونډه بې پایلې پای ته ورسېده
د سفر د معافیت د تمدید په اړه اختلاف
بلخوا د فرانسې خبري آژانس د ډيپلوماټيکو سرچینو له خولې ویلي دي، چې د ملګرو ملتونو د امنیت شورا د دوشنبې شپې په غونډه کې د اسلامي امارت د دیارلسو چارواکو د سفرونو د معافیت د غځولو پر سر اختلاف رامنځته شو او د دې شورا غړي په دې تړاو هوکړې ته ونه رسېدل.
د دغه رپوټ له مخې، د امریکا متحده ایالتونو په ګډون لوېدیځ هېوادونه د سفرونو د معافیت له نوملړه د اسلامي امارت د ځینو چارواکو د نومونو د لېرې کېدو غوښتونکي دي، خو روسیه او چین په دې تړاو له لوېدیځ سره د نظر اختلاف لري.
پخوانی ډيپلوماټ سید نورالله راغي وویل:«د طالبانو د سفر معافیت به د امریکا وروستۍ طرحې ته په پاملرنې چې په دې وروستیو کې یې وړاندې کړې ده وبه غځول شي. دا طرحه په دې معنا ده چې د طالبانو د شپږو غړو د سفر معافیت تمدیدېږي
ور یی ولوله | د پاسپورټ ریاست : ډېر ژر به کابل کې د پاسپورټ د وېش مرکزونه پرانستل شي
ور یی ولوله | نجونو ته د زده کړو د زمینې پر برابرولو د ملګرو ملتونو سازمان ټینګار وکړ
نړیواله ټولنه باید له طالبانو سره اړیکه ونیسي
دا د ملګرو ملتونو د امنیت شورا دویمه غونډه ده چې په دې تړاو بې پایلې پاتې کېږي. تر اوسه څرګنده نه ده،چې د اسلامي امارت د چارواکو د سفرونو د معافیت په تړاو به د ملګرو متلونو د امنیت شورا بله غونډه کله جوړېږي. د پوهنتون استاد سید جواد حسیني وايي:«چین او روسیه په دې اند دي چې معافیت باید وغځول شي، د دې لپاره چې نړۍواله ټولنه اړتیا لري چې له طالبانو سره تعامل وکړي
سرپرست حکومت د اسلامي امارت د ځینو چارواکو د سفرونو د معافیت د مسلې د جنجالي کېدو په تړاو وایي چې د دوحې د هوکړه لیک پر بنسټ، باید د اسلامي امارت د مشرانو نومونه د ملګرو ملتونو له تور نوملړه وایستل شي.
د اسلامي امارت د ویاند مرستیال بلال کریمي په دې هکله څرګندوي:«هغه اقدام چې اوس نیول شوي یوازې واټن زیاتوي او د هېڅ لوري په ګټه نه دي، موږ د دې غوښتونکي یوو چې د خبرو اترو لار دې ونیول شي او له دې لارې مسایل حل شي.