وحید مجروح

نن ورځ د عامې روغتیا وزارت د مشر په توګه زما کاري دوره په رسمي ډول پای ته ورسېده او له خپلو همکارانو سره مې یوې نړۍ ښه خاطراتو وروسته مخه ښه وکړه.

که څه هم وخت ما سره ملتیا ونه کړه او د هېواد روغتیایي نظام د ښه والي په پار زما هیلې او خوبونه نیمګړي پاتې شول، خو بیاهم زه باور لرم چې زما د هېواد روغتیایي نظام دومره بشري سرچینې لري، که فُرصت ورته رامینځته شي دوی به د روغتیا سکتور غوره راتلونکي ته لار هواره کړي.

20210922 095347 1

هغه ورځ چې زه وزیر شوم، زما په بانکي حساب کې شاوخوا اته لکه افغانۍ د معاش پیسې موجودې وې، نه کور لرم، نه مې موټر درلود، نه مې پیسې درلودې نن چې ځم زما بانکي حساب کې (چې بند شوﺉ دی) ١٥٢٠٠٠ افغانۍ وروستی معاش له ځان سره لرم په هېڅ بانک او صرافۍ کې پیسې نه لرم او نه مې درلودې، کور او موټر نه لرم.

په ښکلي کابل یا لرغوني هرات کې، خپل د طبابت مقدس مسلک ته دوام ورکوم او له خپل خدای ج څخه د حلال رزق غوښتنه کوم.اوو میاشتې او شل ورځې د عامې روغتیا وزارت سرپرستۍ چارې زما پر غاړه وې او هیله لرم چې زما د کار او خدمت په اړه زما د خلکو قضاوت به په دې موده کې شامل وي.

د خپلو خلکو قضاوت ته درناوی کوم او د لوی څښتن تعالی پرېکړې او قضاوت باندې بشپړ باور لرم.هیله لرم چې د خپل وزارت پرمهال د خپلو خلکو روغتیا ته د خپل مسؤلیت او ماموریت یوه برخه مې پوره کړې وي.د خپل هېواد د روغتیایي نظام ټولو اتلانو څخه منندوی یم. دخپلې دندې پر مهال د تېروتنې په پار له خپلو ټولو خلکو بخښنه غواړم.

ورځ

د اوبو او برېښنا وزارت سرپرست وزیر د یوې رسمي جلسې په ترڅ کې ددې وزارت کار کوونکو ته وروپیژندل شو.دا جلسه چې د یاد وزارت د غونډو په لوی تالار (هلمند تالار) کې ترسره شوه.

ښاغلی مولوی عبدالطیف منصور د چارو د ادارې د لوی ریاست د سرپرست ښاغلي مولوی احمد جان احمدي لخوا د اوبو او برېښنا د وزارت د سرپرست وزیر په توګه ددې وزارت کار کوونکو ته معرفي شو.د چارو د ادارې د لوی ریاست سرپرست ښاغلي مولوی احمد جان احمدی په هیواد کې د نظام جوړونې په اړه خبرې وکړې،

او زیاته یې کړه چې اسلامي امارت په افغانستان کې د نظام جوړونې په برخه کې درانه مسؤلیتونه په غاړه لري او د اسلامي امارت مسؤلین به د خپلو کوششونو په اساس هغه شان چې د دنیا اشغالګر او مستکبرین یې په ګونډو کړه، په دې برخه کې هم د پام وړ لاسته راوړنې ولري.

په همدې حال کې د اوبو او برېښنا سرپرست وزیر له تېري کوونکو څخه د خپلواکۍ د تر لاسه کولو مبارکي ټولو افغانانو ته وویله او د افغانانو په یووالي یې ټیګار وکړ.

20210921 175455

ښاغلي منصور د اوبو او برېښنا وزارت د چارو سپارښتنه چې د افغانستان اسلامي امارت د امیرالمومنین لخوا هغه ته سپارل شوې، یو مهم مسؤلیت یاد کړ او ددې وزارت له ټولو مسلکي کدرونو یې غوښتنه وکړه ترڅو د هیواد د اوبو درست مدیریت او د انرژي په تولید کې له هغې سره همکاري وکړي.

د دې جلسې په دوام کې د یاد وزارت مالي او اداري عمومي رئیس ښاغلي احمد رشاد حکیم، د انرژۍ د خدمتونو د تظیم لوی رئیس ډاکټر محمد عابد انورزي او د افغانستان برښنا شرکت د عمومي ریاست سرپرست صفي الله احمدزي د وزارت د کارمندانو ستونزې او وړاندیزونه د اوبو او برېښنا وزارت ښاغلي وزیر منصور صاحب سره شریک کړه.

مجاهد

د اطلاعاتو او فرهنګ وزارت د مرستیال او د اسلامي امارت ویاند ذبیح الله مجاهد نن په یوه خبري ناسته کې د کابینې یو شمېر پاتې وزارتونو او مرستیالۍ ته نوي څانګوال ټاکلي، چې نومونه یې په لاندې ډول دي.

  • د پنجشیر ولایت اوسیدونکی د هېواد ملي سوداګر حاجی نورالدین عزیزي د سوداګرۍ وزارت د سرپرست په توګه.د بغلان ولایت اوسیدونکی ملي سوداګر حاجی محمد بشیر د سوداګرۍ وزارت د مرستیال په توګه.د سرپل ولایت اوسیدونکی ملي سوداګر حاجی محمد عظیم سلطان زاده د سوداګرۍ وزارت د دوه یم مرستیال په توګه.محترم ډاکتر قلندر عباد د روغتیا وزارت د سرپرست په توګه.ډاکټر عبدالباری عمر د روغتیا وزارت د مرستیال په توګه.همدارنګه داکټر محمد حسن غیاثي د روغتیا وزارت د دوه یم مرستیال په توګهصدر ملا محمد ابراهیم د کورنیو چارو وزارت د امنیتي مرستیال په توګه.
20210921 122214

ملا عبدالقیوم ذاکر د دفاع وزارت د مرستیال په توګه.انجنیر نظر محمد مطمین د اولمپیک ملي کمېټي د سرپرست په توګه.انجنیرمجیب الرحمن عمر د برښنا او انرژي وزارت د مرستیال په توګه.حاجی غلام غوث د پېښو پر وړاندې د مبارزې وزارت د مرستیال په توګه.

ډاکټتر محمد فقیر د مرکزي احصائې د ادارې د سرپرست په توګه.ګل زرین کوچی د سرحدونو وزارت د دوه یم مرستیال په توګه.قومندان ارسلا خروټی د کډوالو چارو وزارت د مرستیال په توګه.دوکټور لطف الله خیرخواه د لوړو زدکړو وزارت د مسلکی مرستیال په توګه.

انجنیر نجیب الله د اټومي انرژۍ د مشر په توګه.حاجي ګل محمد د سرحداتو وزارت د مرستیال په توګه.د مجاهد د څرګندونو له مخې؛ په دې ګمارنو کې تر ډېره مسلکیتوب په نظر کې نیول شوی، چې له بشپړېدو سره به د حکومت چارې نورې هم ښې او کابینه معیاري‌ شي.

راشد لطیف,نیوز,کرکټ,سپورټس

د پاکستان کرکټ ملي لوبډلې د ټیسټ لوبو پخواني لوبډلمشر راشد لطیف د یاد هېواد کرکټ بورډ ته مشوره ورکړې چې د کرکټ نړیوالې شورا په شل اوریز جام کې دې برخه نه اخلي.

راشد لطیف ویلي دي چې د کرکټ نړیوالې شورا کې د قضیې اچول کومه ګټه نه لري، که چېرته په نړیوال جام کې برخه وانخیستل شي نو غوره به وي. هغه په یوه مرکه کې ویلي چې د پاکستان او نیوزیلېنډ لوبلړۍ لغوه کېدو پاکستان ته ډېر زیان واړوو.

20210921 091033

نوموړي زیاته کړې ده، څو ورځې وړاندې د نیوزیلېنډ لوبډله پاکستان کې وه، تمرینات او امنیت یې هم ښه و، خو د بې بنسټه امنیتي ګواښونو په سبب یې لوبلړۍ لغوه کړله. اوس په دې فکر کول پکار دی چې د پاکستان کرکټ سره د پېښ شوو حالاتو حل څه دی؟

هغه ویلي دي چې کرکټ باید د فارن پالیسۍ برخه شي، هند سره د لوبلړۍ خبره کوو نو وایي چې دا بهرنۍ پالیسي ده او په عربي اماراتو کې چې د پي ایس ایل لوبې وي نو د بهرنیو چارو وزیر شاه محمود قریشي خو باید مداخله وکړي.

راشد لطیف ویلي چې په دې اړه باید په حکومتي سطحه پالیسي جوړه شي، دا یوه جدي مسئله ده، کرکټ د پاکستانیو لپاره ډېر څه دی، موږ ټولو یې په پرمختګ کې برخه اخیستې. د انګلستان د سفر امکانات هم لږ دي که چېرته راشي نو د پاکستان کرکټ به له موجوده حالته راووځي.

بورډ ناسته

حامد شینواری له دندې ګواښه شو د افغانستان کرکټ بورډ د اجراییوي ډاکټر حامد شینواری له خپلې دندې ګوښه شوی او پرځای نصیب الله د نوي اجراییه رییس په توګه معرفي.

د معلوماتو له مخې، د کرکټ بورډ اجراییوي رییس ډاکتر حامد شینواری، چې څو میاشتې وړاندې د دویم ځل لپاره اجراییه رییس له دندې لېرې شوی، خو تراوسه پورې له کرکټ بورډ څخه په رسمي ډول څه نه دي ویل شوی.

دا په داسې حال کې ده چې کرکټ بورډ ته د عزیزالله فضلي په راتګ سره په کرکټ بورډ جنجالونه راپورته شوي او ډېر وخت د فضلي او شینواري ترمنځ به هماهنګي نه وه.

اوس تازه ورزشي خبریال او د طلوع نیوز کارمند فریدالله محمدي لیکلي دي:د کرېکټ بورډ اجراییه رییس حامد شینواری نن له دندې ګوښه او په ځای یې نصیب الله د نوي اجراییه رییس په توګه معرفي شو.

20210920 161235

د یادولو وړ ده چې حامد شینواری، چې زده کړې یې په استرالیا کې کړي دي، کلونه مخکې هم د افغانستان کرکټ بورډ اجراییوي رییس په توګه پاتې شوی دی.او ډېرې لاسته راوړنې له ځانه سره لري.

ورځ

دبښنې نړیوال سازمان : امریکا باید دعامو وګړو دوژلو سم پلټنې سمه اراده ولري.له هغه وروسته چې امريکا ومنله چې له افغانستانه يې د ځواکونو تر ايستلو څو ورځې له مخه ۱۰ بېګناه ولسي وګړي وژلي، د بښنې نړيوال سازمان دا لومړۍ مثبت ګام بللی دی.

سازمان ويلي، امريکا بايد اوس د دې پېښې بشپړو، شفافو او بې طرفه پلټنو ته هوډ وښيې.د لندن مېشت سازمان د کړکېچ د چارو لوړ پوړي سلاکار براين کاسټنر د سېپټمېبر پر ۱۷مه نېټه ويلي چې د امريکا له خوا دا اعتراف د کابل د وژنو په لړ کې د احستاب په برخه کې يو مهم ګام دی خو د ده په خبره نور هم ډېر څه شته چې بايد وشي.

20210920 143811

د امريکايي پوځ د مرکزي قوماندانۍ په پلټنو کې معلومه شوې وه چې د اګست ۲۹مې ډرون بريد کې يو مرستندويه کارکوونکی او د هغه د کورنۍ نهه کسان وژل شوي ول.

ښاغلي کاسټنر ويلي چې هر هغه څوک چې ورباندې د دې مجرمانه کړنې شک دی بايد په عادلانه محاکمه کې سزا شي. د ده په وينا، د وژل شويو کسانو کورنۍ ته بايد بشپړ تاوان ورکړل شي.

د دویي پر وینا باید ټول وګړي په سمه توګهوڅېړل شي تر څو په اینده کې ددغسې کړنو مخنیو وشي. اوافغانستان کې عام وګړي په سمه توګه خپل ژوند پر مخ ویسي.

خوشاله ژوند

په ژوند کې هر سړی د خوشاله ژوند په لټه کې وي، خو دا خوشالي تصادفي نه ترلاسه کیږي دې خوشالۍ ته باید لومړۍ ځینې عاداتونه باید په ځان کې پیدا کړو.چې په لاندې ډول ترې یادونه کوو.د لوموړي ګام په توګه ځان پیژندل.

د لومړني عادت له مخې باید تاسو ځان تعریف کړئ چې تاسو څوک یاست، څه غواړئ او ټولنه کې درته غبرګون څخه دی.هغه بدلون وکړئ چې غواړئ تاسو یې ووینئ
بدلون ستاسو د ژوند خوشالتیا لپاره ضرور دی، نو کوشش وکړئ مثبت بدلون ته ملا وتړئ تر څو محسوس بدلون وکړئ او ویې ګورئ.

نورو ته احترام کول نورو ته احترام په حقیقت خپل ځان ته احترام دی، هغوی چې د چا پروړاندې احترمانه چلند نه کوي. غوره عادت یې نه دی. که غواړئ خوشاله اوسئ نورو ته احترام ولرئ.

متحرک اوسیدل ساکن پاتې کیدل د بدمرغیو ځاله را منځ ته کوي. تل متحرک اوسئ د یو کار په اجراء سمدستي ګام واخلي ، خوشاله کیدلی شئ ـ هغه څه وغواړئ چې ورته اړتیا لرئ.

20210920 110911 1

دا ټکی د اعتدال په مانا دی کوشش کوئ د ضرورت وړ توکي مو را ونیسئ، دا ټکی هم د خوشالۍ عادت دی پوهیدل چې څه وایئ ددې هدف دادی چې هغه خبره وکړئ چې اول تاسو عملي کړي وي، اول تاسو عمل وکړئ بیا وګورئ چې نور درته د خوشالۍ کومې لارې ښایي

شېخ رشید احمد

د پاکستان د کورنيو چارو وزير شېخ رشید احمد وايي، له پاکستان سره د نیوزیلېنډ کرکټ لوبډلې پلان شوې لوبې ځنډول يو سازش دی.

ښاغلی شېخ رشيد احمد د سېپټېمبر پر ۱۷مه په اسلام اباد کې خبري غونډې ته په وينا کې وضاحت ورنه کړ چې دا سازش چا او ولې کړی.خو نوموړي زياته کړه چې نیوزیلېنډ ته يې د هرقسمه امنيت ډاډ ورکړ خو د ده په خبره هغوی پر لوبېدو سلا نه شو.ده وویل چې د نیوزیلېنډ وزيراعظمې ورته ویلي چې هغې ته خبر ورکړل شوی چې پر کرکت لوبډله به یې له هوټله بهره بريد کېږي.

20210919 113604

د پاکستان کرکټ بورډ مشر رميز راجه د نيوزيلېنډ کرکټ لوبډلې پر دوره ځنډولو ژوره ناخوښي ښودلې ده.هغه ویلي، “نیوزيلېنډ په کومه نړۍ کې اوسي؟ نيوزيلېنډ به موږ ته “د کرکټ په نړيواله شورا” کې غوږ نیسي.

بلخوا د پاکستان پخواني کرکټر شعېب اختر هم په خپل ټويټر کې لیکلي چې “نيوزيلېنډ د پاکستان کرکټ وواژه دا په داسې حال کې ده چې د سېپټېمبر پر ۱۷مه د پاکستان کرکټ بورډ خبر ورکړ چې هغه هېواد ته ورغلې د نیوزیلېنډ لوبډلې د امنیتي ګواښ له امله د لوبو ځنډولو پرېکړه کړې ده.

په بیان کې ویل شوي چې د نیوزیلېنډ کرکټ لوبډلې ورته وویل چې هغوی ته د امنیتي خبرداري په اړه معلومات ورکړل شوي نو ځکه یې د لوبو د ځنډولو یو اړخيزه پرېکړه کړې ده.

دعا قبلیږي

هسې خو دعا د هر مسلمان قبلېږي، خو موږ لږ بې صبره یو او هیله مو دا وي چې دعا مو ژر قبوله شي، د دعا پر وخت مو باید په الله تعالی بشپړ یقین او باور وي او هغه کسان چې پر الله تعالی پوخ ایمان لري

له الله تعالی ښه امیدونه یا هیلې لري، نو د دا ډول خلکو دعا ژر قبلېږي، ځکه چې دوی صبر کوونکي دي او الله تعالی یې پخپلو رحمتونو باندې نازوي.ځینې داسې کسان هم شته چې الله تعالی یې دعا نه ردوي، په یو حدیث شریف کې راځي چې مفهوم یې دادی، چې د دریو کسانو دعا نه ردېږي، د سنن ابو داود حدیث دی.

لومړی هغه شخص چې دعا یې نه ردېږي هغه مظلوم دی، نو په همدې علت موږ ته پکار ده چې پر چا ظلم ونه کړو.تر څودالله تعالی د قهر څخه په امان کې وساتل شو اوالله راباندې خپل رحم وکړي.

20210918 181743

دویم مسافر دی چې الله تعالی یې دعا نه ردوي، یعنې هغه انسان چې د کوم نیک کار لپاره سفر کوي او د دین د خپرولو اراده لري، نو داسې شخص دعا ډېر ژر قبلېږي.

دریم دعا چې الله تعالی قبلوي هغه د پلار دعا ده چې د اولاد لپاره یې کوي، نو موږ ته پکار ده کله چې کوم نیک یا ښه کار ترسره کوو، له خپلو والدینو باید دعا واخلو او دغه دعاګانې د خپلې کامیابۍ د لارې مشال وګرځوو.

راشد خان,کرکټ,سپورټس

د افغانستان کرکټ ملي لوبډلې مشهوره لوبغاړي راشدخان ویلي،پدې ویاړي چې د افغانستان کرکټ ملي لوبډلې برخه دی او د خپل هیواد په استازیتوب لوبې کوي.

نوموړی وایي،لدې به بل داسې ستر احساس نه وي چې نوموړی د افغانستان په استازیتوب لوبو ته ښکته کیږي.نوموړی زیاتوي،ډیر خلک د سپورټ غوره لیول وخت قربانۍ،هڅې په اړه ناخبره دي.لدې به زیات د خوښۍ احساس نه وي،چې فیلډ کې د افغانستان په استازیتوب قدم کیږدم.

20210918 111055

زیاتره خلک د سپورټ غوره لیول چې زیات وخت اخلي،قرباني او هڅه غواړي په هغې نه پوهیږي.زه پدې فحر کوم چې دا لوبه کوم او له هغو کسانو مننه کوم چې پدې موده کې یې زما ملاتړ کړئ.زه به خپل زحمت او خوارۍ ته دوام ورکړم.تر څو د خپل هیواد استازیتوب وکړم.دا ملت دی او دا د هغوی لوبه ده څومره چې ممکنه وي همت ته به دوام ورکوو.

راشدخان د خپل پوسټ ترڅنګ یو لنډ ویډیو کلیپ هم خپور کړئ چې په هغې کې نوموړی لیدل کیږي چې په بیټینګ یې خواري پیل کړې.راشدخان پدې وروستیو کې د نړیوال جام لپاره په نومول شوي لوبډله کې د ملي لوبډلې کپتان اعلان شوی وو،

او وروسته د اعلان څخه یې سمدستي له خپلې کپتانۍ څخه استعفاء ورکړه او په ځای یې محمد نبي عیسی خېل د لوبډلې مشر وټاکل شو.چې د ډېری هېوادوالو غبرګون ېې هم راپارولی دی.