طالبان وايي، د ارزو او راه فردا تلویزونونو د خبریالانو شکایتونه یې څېړلي دي
د طالبانو تر واک لاندې د اطلاعاتو او کلتور وزارت ویاند، خبیب غفران پر اېکس لیکلي چې د دغه وزارت د خپرونو چارو د معین، مهاجر فراهي په مشرۍ د رسنیزو سرغړونو د ارزونې کمیسیون غونډه وشوه.
د غفران په وینا په دغه غونډه کې د نورو مسایلو ترڅنګ د راه فردا او ارزو ټلويزيونونو د خبريالانو له لوري شوي شکايتونه د دواړو خواو په حضور کې وڅېړل شول او د حل په موخه یې یوه قضیه محکمې او بله قضیه د کمېسیون راتلونکې غونډې ته د لا څیړنې په موخه وړاندې شوه.
دا په داسې حال کې ده چې د طالبانو تر واک لاندې رسنۍ له جدي ننګونو، سانسور او کنټرول سره مخامخ دي. پر دې سربېره، زیات شمېر رسنۍ تړل شوي او خپرونې یې په ټپه ولاړې ته دي.
