د اسراییلو پوځ خبر ورکړی چې د دوی ټانکونه د غزې شمال ته ننوتي او پر حماس یې بریدونه کړي دي

شاوخوا لس ورځې وړاندې د اسراییلو او حماس جګړه هغه مهال پیل شوه چې حماس پر اسراییلو د توپ په زرګونه ګولۍ وورولې.

دغو ځواکونو ویلي چې، اسراییلي ټانکونو د غزې په شمال کې د جګړې د راتلونکو پړاوونو د چمتو کېدو لپاره برید وکړ.

د اسراییل پوځ زیاته کړه چې د دوی ځواکونه له عملیاتو وروسته له غزې وتلي دي.

نور ولولئ: د اسراییل او حماس جګړه؛ غزه کې تېرو ۲۴ ساعتونو کې څه باندې ۷۰۰ فلسطینیان وژل شوي

د اسراییل دفاعي ځواکونو په اېکس ټولنیزه پاڼه لیکلي: «په دغو بریدونو کې اسراییلي پوځیانو د ترهګرو ځواکونه، د هغوی زیربناوې او د ټانک ضد توغندیو د ډزو ځایونه په نښه کړل او له عملیاتو وروسته یې سیمه پرېښوده.»

په ورته وخت کې د اسرابیل پوځي راډیو اعلان وکړ چې هیواد یې د غزې دننه “نسبتا پراخ” ځمکني بریدونه ترسره کړل.

د دغه راپور له مخې، له حماس سره د روانې جګړې له پیل راهیسې دا پر غزې د اسراییل تر ټولو لوی ځمکنی برید دی.

د وژل شوو فلسطینیانو شمېره

د وژل شویو او ورکو فلسطینیانو شمېر له ۸۰۰۰ واوښت او یو شمېر یې تر خاورو لاندې دي

د غزې په تړانګه کې د وژل شویو او تري تم شویو فلسطینیانو شمېر له ۸۰۰۰ څخه اوښتی او تر اوسه د مړو شمېر له ۶۵۴۶ څخه ډېر دی او په غزه کې د روغتیا وزارت په وینا تر ۱۹۰۰ ډېر ورک دي.

په دې اونۍ کې ۶۵ سلنه وژل شوي فلسطینیان د غزې په جنوبي سیمو کې وو، هغه سیمه چې اسرائیلو د بمباریو تر ګواښ لاندې تر یو میلیون ډېر فلسطینیان پکې پنا اخیستو ته اړ کړي دي.

نور ولولئ: حماس ډلې برمته کړي دوه امریکايۍ مېرمنې بېرته خوشي کړې

د اسرائیلو هوايي برید په غزه کې د الجزیرې عربي د دفتر د مدیر وائل الدحدود مېرمن، لور او زوی د وژل کېدو لامل شو. الجزیرې دا برید په کلکه غندلی، وړاندې د قطر په حکومت کې یو لوړ پوړی وزیر هم غندلی و.

امریکا ونه توانېده چې د امنیت په شورا کې د یوه پرېکړه لیک مسوده تصویب کړي چې په جګړه کې د بشردوستانه اوربند غوښتنه کوي او روسیې وویل چې د امریکا مسوده پرېکړه لیک د اسرائیلو لپاره د غزې په تړانګه د یرغل کولو امر دی. چین وویل چې دا د اسرائیلو اشغال ته اشاره نه کوي.

د روسیې د پرېکړه لیک مسوده چې د سملاسي اوربند غوښتنه کوي، خو امریکا له وېټو سره دا مسوده ناکامه شوه.

متحده ایالات غواړي اسرائیلو ته نورې وسلې هم ولېږي

فلسطیني کورنیو د خپلو عزیزانو د مړینې په وخت کې د خپلو عزیزانو د پېژندنې په برخه کې د مرستې لپاره د ځانګړو لاسبندونو سره د خپلو غړو توپیر پیل کړی دی.

د ترکیې ولسمشر رجب طیب اردوغان اسرائیلو ته خپل سفر لغوه کړ او ویې ویل چې حماس ترهګره ډله نه ده، بلکې د ازادۍ غورځنګ دی.

نن سبا د غزې په تړانګه کې د اسرائيلي بريدونو تر څنګ خلک هره شېبه له نويو ستونزو سره مخ دي، د غزې په روغتونونو کې شاوخوا اوه زره ناروغان پراته دي چې د مرګ له ګواښ سره مخ دي او د محاصرې شوې تړانګې سیمې د تېلو د کمېدو په حال کې دي. ډاکټران او روغتیایي چارواکي وايي چې په انکیوبټرونو کې نوي زیږیدلي ماشومان، د جدي پاملرنې په واحدونو کې ټپیان او د ګوردو مینځلو برخې ناروغان د مړینې له خطر سره مخ دي.