اړوند خبر:
زلزله؛ د مړو شمېر ۱۰۰۰ او د ټپیانو شمېر ۲۵۰۰ ته ورسېده
د لومړۍ زلزلې، چې شدت یې د ریښتر په کچه ۵.۶ درجې و، مرکز د اسعداباد ښار د لوېدیځ ـ جنوب لوېدیځ په شاوخوا ۲۲ مایله لېرې ثبت شوی دی، او بله زلزله، چې شدت یې د ریښتر ۴.۵ درجې و، د جلال اباد ښار له شمال ختیځ څخه شاوخوا ۱۵ میله لېرې ثبت شوې ده.
د USGS په وینا، دواړه زلزلې سطحي وې او د دوشنبې د ورځې له ویجاړوونکې زلزلې وروسته شوې چې شدت یې ۶.۰ درجې و او د افغانستان په ختیځ کې یې تر اوسه تر ۲۲۰۰ ډېر کسان وژلي دي. د هماغې اوونۍ د لومړنۍ زلزلې مرکز د کونړ ولایت نورګل ولسوالۍ ته نژدې و، چې د اسعداباد له لوېدیځ ـ سوېل لوېدیځ څخه ۲۲ میله او د جلال اباد له ختیځ ـ شمال ختیځ څخه ۱۵ میله لرې پروت دی.
چارواکو تر اوسه د پنجشنبې د زلزلو په اړه د زیانونو یا تلفاتو راپور نه دی ورکړی.
خو ځینې لومړني راپورونه ښيي چې په لومړۍ زلزله کې چې د ماخوستن په ۸ بجې او ۵۹ دقیقې وشوه، مرګ ژوبلې او تاوانونه پېښ شوي دي. د دې زلزلې نسبتاً شدیدو ټکانونونو په کابل او اسلام اباد کې هم خلک محبوره کړل چې په وارخطایۍ له کورونو ووځي.
دا زلزلې په داسي وخت کې کېږي چې د یکشنبې او دوشنبې د شپې د زلزلې د قربانیانو لټون او زیان ځپلو ته د مرستې رسونې عملیات لا هم روان دي.
د اسلامیک ریلیف خیریه موسسې په وینا، د دې زلزلې له کبله، چې لا یې د مرګ ژوبلو او تاوانونو نهايي شمېر څرګند نه دی، په کونړ ولایت کې ۹۸ سلنه کورونه یا زیانمن شوي یا بیخي ویجاړ شوي دي.
