اړوند خبرونه:
د پاکستان پوج: کراچۍ کې مو د ټي ټي پي خطرناکه اوولس کسیز ګروپ نیولی
خواجه اصف: د ټي ټي پي پرضد “عزم استحکام” عملیات د افغانستان خاورې ته غځوو
د افغانستان په چارو کې د پاکستان ځانګړی استازی د چهارشنبې په سهار (د اپرېل ۲۱مه) کابل ته د ګډې همغږۍ کمیټې په غونډه کې د ګډون لپاره ورسېد. ټاکل شوې ده چې په دې یوه ورځني سفر کې د طالبانو له چارواکو سره لیدنه وکړي.
د افغانناو د راپور له مخې چې د چهارشنبې په ورځ د پاکستاني سرچینو له خوا خپور شوی، دا د محمد صادق خان په تېره یوې میاشتې کې کابل ته دوهم سفر دی.
د پاکستان او افغانستان د ګډې همغږۍ کمیټې غونډه نن په کابل کې ترسره کېږي. د طالبانو د دفاع وزارت سرپرست مرستیال سرپرست عبدالقیوم ذاکر د افغانستان د پلاوي مشري کوي.
د پاکستان ځانګړی استازی او د هغه لوړ پوړی مل پلاوی به د دواړو هېوادونو ترمنځ د وروستیو تحولاتو، د ګډو پولو د وضعیت، او د افغانستان د سرپرست حکومت له چارواکو سره د خبرو لپاره غونډې وکړي.
د پاکستاني پلاوي دا سفر افغانستان ته د سیاسي او پوله کې د تاوتریخوالي تر سیوري لاندې ترسره کېږي، چې پکې د ترهګرۍ د ګواښونو سره د مبارزې په برخه کې د دواړو هېوادونو ژور اختلافونه او د پاکستان له خوا د افغان اتباعو د شمېره اخراج او نور مسایل شامل دي.
صادق خان تېره اونۍ په اسلامآباد کې په یوه سمینار کې د وینا پر مهال د افغانستان طالبانو ته ګواښ کړی و چې که پر خپلو تعهداتو عمل ونه کړي او د اسلامآباد مطرح شوې اندېښنې حل نه کړي، پاکستان به د کابل سره په همکاریو کې هر ډول پرمختګ وځنډوي.
